ඔස්ට්රේලියාව හා ඉන්දියාව අතර පැවැති සිව්වැනි ටෙස්ට් ක්රිකට් තරගයේ අවසන් දිනය වූ අද දිනයේදී ට්රැවිස් හෙඩ් ප්රදර්ශනය කළ අපූර්ව කඩුලු සැමරුමක් ලොව පුරා ක්රීඩාලෝලීන් බොහෝ දෙනෙකුගේ දැඩි අවධානයක් දිනා ගැනීමට සමත් වුණා.
ඉන්දීය දෙවැනි ඉනිමේදී සාර්ථක ලෙස පන්දුවට පහර දෙමින් සිටි රිෂාබ් පාන්ට් දවා ගැනීමට ට්රැවිස් හෙඩ් සමත් වූ අතර, ඉන් අනතුරුවයි ඔහු විසින් මෙම කඩුලු සැමරුම ප්රදර්ශනය කළේ.
එම කඩුල්ලත් සමග තරගයේ ජයග්රහනය පිළිබද හෝ ජය පරාජයෙන් තොරව තරගය අවසන් කර ගැනීම සම්බන්ධයෙන් ඉන්දියාව තබා තිබූ බලාපොරොත්තු ද සුන් වුණා.
අවසානයේදී ඉන්දියාවට මෙම තරගයෙන් ලකුණු 184 ක දැවැන්ත පරාජයක් උරුම කර ගැනීමටයි සිදු වුණේ.
හෙඩ්ගේ සැමරුම
ට්රැවිස් හෙඩ්ගේ කඩුලු සැමරුම කුමක්දැයි බොහෝ දෙනෙකුට ප්රශ්නයක් වූ අතර, සමාජ මාධ්ය තුළ මේ සම්බන්ධයෙන් දැඩි කතා බහක් ඇති වූ ආකාරය දැක ගත හැකි වුණා.
කෙසේ වෙතත්, Channel Seven විස්තර විචාරක James Brayshaw විසින් මෙම කඩුලු සැමරුමේ අදහස පසුව සජීවී විකාශය අතරතුර පැහැදිලි කරනු ලැබුවා.
ඔස්ට්රේලියානු කණ්ඩායම 2022 වසරේ දී ශ්රී ලංකාවේ සිදු කළ තරග සංචාරයේ එක් තරගයකදී හෙඩ් පන්දු 17 ක් තුළ ලකුණු 10 කට කඩුලු 4 ක් දවා ගැනීමට සමත් වූ අතර, ඉන් අනතුරුව ඔහු සමාජ මාධ්ය වෙත විශේෂ ඡායාරූපයක් නිකුත් කර තිබුණා.
එහි දක්නට ලැබුණේ කඩුලු දවා ගැනීමෙන් පසුව ඔහුට අයිස් පුරවන ලද වීදුරුවකට සිය ඇගිල්ලක් ඔබා ගෙන සිටීමට සිදු වූ ආකාරයක්.
එය යළිත් ප්රදර්ශනය කිරීමක් මෙහිදී සිදු වූ බව විස්තර විචාරක James Brayshaw පෙන්වා දෙනවා. තමා පන්ට්ගේ කඩුල්ල දවා ගැනීම නිසා යළිත් එලෙස තමාට අයිස් මත සිය ඇගිල්ලක් ඔබා ගෙන සිටීමට සිදු වනු ඇති බව මෙහිදී ට්රැවිස් හෙඩ් විසින් ඉගි කළ බවයි James Brayshaw සදහන් කළේ.
දර්ශන පහතින් –
The reason behind the Celebration of Travis Head. 😄👌 pic.twitter.com/FiRbZVYFrR
— Johns. (@CricCrazyJohns) December 30, 2024
