Maharashtra Premier League ක්රිකට් තරගාවලියේදී සිදු වූ දුවද්දී දැවී යාමක් මේ වන විට ලොව පුරා ක්රීඩාලෝලීන්ගේ දැඩි අවධානයකට යොමුව ඇති බවක් දක්නට ලැබෙනවා.
Raigad Royals හා Puneri Bappa කණ්ඩායම් අතර පැවැති තරගයේදීයි මෙම දුවද්දී දැවී යාම සිදු වුණේ.
Royals කණ්ඩායම ලකුණු 203 ක ඉලක්කයක් හඹා යමින් සිටියදී ඉනිමේ පළමු පන්දුවාරයේදීම මෙම දුවද්දී දැවී යාම සිදු වූ අතර, එහිදී දැවී ගියේ Harsh Mogaveera.
Siddhesh Veer විසින් පහරක් එල්ල කිරීමෙන් පසුව පන්දුව කඩුලු රකින්නා වෙත ඇදී ගිය අවස්ථාවක ලකුණක් කරා පැති මාරු කිරීමට පිතිකරුවන් දෙදෙනා උත්සාහයක නිරත වුණා.
එහිදී කඩුලු රකින්නා විසින් පිතිකරණ අන්තයේ කඩුල්ල වෙත පන්දුව විසි කළ අතර, විශේෂත්වය වූයේ පන්දුව එම කඩුල්ලේ වැදීමෙන් අනතුරුව පන්දු යවන අන්තයේ කඩුල්ලෙහිද වැදීමයි.
පිතිකරණ අන්තයේ රැදී සිටි පිතිකරු සීමා ඉර වෙත පැමිණ සිටි නිසා ඔහු එම අවස්ථාවේදී දැවී නොගිය නමුත්, පන්දු යවන අන්තයේ පිතිකරු සීමා ඉරේ නොසිටීම නිසා ඔහුට දැවී යාමට සිදු වුණා.
දර්ශන පහතින් –
Ek teer do nishaane just got real 😱
A bizarre run-out in the Maharashtra Premier League you rarely see in cricket
WATCH Maharashtra Premier League 👉 Puneri Bappa v Eagle Nashik Titans | LIVE NOW on Star Sports 2 & JioHotstar pic.twitter.com/bcWD9hVk1Y
— Star Sports (@StarSportsIndia) June 10, 2025
