ඉන්දියාව හා දකුණු අප්රිකාව අතර පැවැත්වෙන තරග 3කින් යුත් එක්දින ක්රිකට් තරගාවලිය අද(06) ආරම්භ වුණා.
පළමු තරගය ලක්නව් හී දී ආරම්භ වූ අතර, වර්ෂාව හේතුවෙන් මෙම තරගය පන්දුවාර 40කට සීමා කිරීමටයි විනිසුරුවන් කටයුතු කළේ.
තරගයේ කාසියේ වාසිය දිනූ ඉන්දීය නායක ශිකර් ධවාන් පළමුවෙන් පන්දුවට පහර දීමේ අවස්ථාව දකුණු අප්රිකාවට ලබා දුන්නා.
ඒ අනුව පිටියට පිවිසි දකුණු අප්රිකානු පිතිකරුවන් නියමිත පන්දුවාර 40 අවසන් කළේ කඩුලු 4 ක් දැවී ලකුණු 249 ක් ලබා ගනිමින්.
හෙන්රික් ක්ලාසෙන් පන්දු 65 කින් නොදැවී ලකුණු 74 ක් ද, ඩේවිඩ් මිලර් පන්දු 63 කින් නොදැවී ලකුණු 75 ක් ද රැස් කළා.
ඔවුන් දෙදෙනා අතර 5 වැනි කඩුල්ලට ගොඩ නැගුණු නොබිදුණු සම්බන්ධතාවය ලකුණු 139(106) ක්.
මෙම ඉනිමේ දී බොහෝ දෙනෙකුගේ අවධානය දිනා ගත් කඩුල්ලක් බවට පත් වුණේ ඒඩ්න් මාක්රම්ගේ දැවී යාමයි.
කුල්දීප් යාදව් යොමු කළ පන්දුවක් කෙළින්ම කඩුල්ලේ වැදිමෙනුයි මාක්රම් ලකුණු නොලබා දැවී ගියේ. (දර්ශන පහතින්)
— cric fun (@cric12222) October 6, 2022
