මෙවර ලෝක කුසලාන එක්දින ක්රිකට් තරගාවලියේ 24 වැනි තරගයේ දී නෙදර්ලන්ත ක්රීඩක van der Merwe රැක ගත් සුපිරි උඩ පන්දුවක් තෙවන විනිසුරු විසින් නොදැවී යාමක් ලෙස නම් කිරීම බොහෝ දෙනෙකුගේ අවධානය දිනා ගැනීමට අද(25) සමත් වුණා.
ඔස්ට්රේලියාවට එරෙහි මෙම තරගය දිල්ලි හී දී ආරම්භ වුණේ කාසියේ වාසිය දිනූ ඔස්ට්රේලියාව පළමුව පන්දුවට පහර දීමට ගත් තීරණයත් සමගයි.
ඔස්ට්රේලියානු ඉනිමේ 23 වැනි පන්දුවාරය Bas de Leede විසින් යොමු කළ අතර, එම පන්දුවාරයේ 5 වැනි පන්දුවට ඩේවිඩ් වෝනර් එල්ල කළ පහරකින් පසුව short extra cover ප්රදේශයේ පන්දු රකිමින් සිටි van der Merwe විසින් මෙම විශිෂ්ඨ පන්දු රැකීමේ දක්ෂතාවය පෙන්නුම් කළා.
අනතුරුව එම උඩ පන්දුව නිසි පරිදි රැක ගත්තේ ද යන්න තීරණය කිරීමේ වගකීම තෙවන විනිසුරුට පැවරුණු අතර, පුනරූපන නැරඹීමෙන් පසුව ඔහු තීරණය කළේ එය නොදැවී යාමක් බවයි.
van der Merwe උඩ පන්දුව රැක ගැනීමෙන් පසුව ඔහුගේ වම් අත සමග පන්දුව බිම ස්පර්ශ වන බවක් දක්නට ලැබීම මෙම තීරණය ගැනීමට හේතු වුණා.
දර්ශන පහතින් –
— cric sl (@cricslvideo) October 25, 2023
