මෙවර ඉන්දීය ප්රිමියර් ලීග් ක්රිකට් තරගාවලියේ 43 වන තරගය අද(30) පස්වරුවේදී මුම්බායි හි Brabourne ක්රීඩාංගණයේදී ආරම්භ වුණා.
ඒ, රෝයල් චැලෙන්ජර්ස් බැංගලෝර් කණ්ඩායම සහ ගුජරාට් ටයිටන්ස් කණ්ඩායම අතරයි.
තරඟයේ කාසිය වාසිය දිනු බැංගලෝර් කණ්ඩායම පළමුවෙන් පන්දුවට පහර දීමටයි තීරණය කළේ.
මෙවර තරගාවලියේ දී කාසියේ වාසිය දිනා ගැනීමෙන් අනතුරුව කණ්ඩායමක් පිතිකරණයේ නිරත වීමට තීරණය කළ දෙවැනි අවස්ථාව මෙය වීම විශේෂත්වයක්.
ඒ අනුව පළමුවෙන් පන්දුවට පහරදුන් බැංගලෝර් පිතිකරුවන් නියමිත පන්දුවාර 20 අවසානයේ කඩුලු 6ක් දැවී ලකුණු 170ක් ලබා ගත්තා.
මෙම තරගයේ දී බොහෝ දෙනෙකුගේ අවධානය යොමු වූ පිතිකරුවා වූයේ විරාට් කෝලි.
මෙවර තරගවාරයේ දී එතරම් ඉහළ දක්ෂතා දැක්වීමට ඔහුට නොහැකි වීම ඊට හේතුවයි.
කෙසේ වෙතත්, මෙම තරගයේ දී කෝලි මෙවර තරග වාරයේ දී ඔහු වාර්තා කළ පළමු අර්ධ ශතකය වාර්තා කිරීමට සමත් වුණා.
පන්දු 53කින් වාර්තා වූ ඔහුගේ ලකුණු 58ට හයේ පහරක් හා හතරේ පහර 6ක් ඇතුළත්.
කෝලි දැවී ගියේ මොහොමඩ් ෂාමි යොමු කළ සුපිරි යෝකර් පන්දුවක් කෙළින්ම කඩුල්ලේ වැදීමෙන්.
https://twitter.com/cric12222/status/1520368092513071104
