මෙවර ඉන්දීය ප්රිමියර් ලීග් ක්රිකට් තරගාවලියේ 32 වැනි තරගයේ පළමු පන්දුවෙන්ම දැවී යාමට රෝයල් චැලෙන්ජර්ස් බැංගලෝර් කණ්ඩායමේ ආරම්භක පිතිකරු විරාට් කෝලිට අද (23) සිදු වුණා.
බැංගලූරුහි M.Chinnaswamy ක්රීඩාංගනයේ දී අද පස්වරුවේ ආරම්භ වූ තරගයේ දී ඔවුන්ගේ ප්රතිවාදීන් වූයේ රාජස්ථාන් රෝයල්ස් කණ්ඩායමයි.
තරගයේ කාසියේ වාසිය දිනා ගැනීමට රාජස්ථාන් රෝයල්ස් කණ්ඩායම සමත් වූ අතර, පළමුව පන්දු යැවීමටයි රාජස්ථාන් නායක සංජු සැම්සන් තීරණය කළේ.
ඒ අනුව පන්දුවට පහර දීමට පිටියට පිවිසි බැංගලෝර් කණ්ඩායමේ පළමු කඩුල්ල පළමු පන්දුවෙන්ම බිද වැටුණා.
ඒ, ට්රෙන්ට් බෝලට් යොමු කළ පන්දුවක් හමුවේ විරාත් කෝලි කඩුල්ල මුවා කිරීමේ වරදට හසු වීම හේතුවෙන්.
එය ට්රෙන්ට් බෝල්ට් දවා ගත් තම 100 වැනි අයි.පී.එල් කඩුල්ල වීම ද විශේෂත්වයක්.
එහි දර්ශන පහතින් නරඹන්න –
— cric sl (@cricslvideo) April 23, 2023
