ශ්රී ලංකා නවක වේග පන්දු යවන ක්රීඩක මතීෂ පතිරණ අද(15) චෙන්නායි සුපර් කිංග්ස් කණ්ඩායම නියෝජනය කරමින් ඉන්දීය ප්රිමියර් ලීග් වරම් දිනා ගත්තා.
ඒ, මෙවර අයි.පී.එල් තරගාවලියේ 62 වැනි තරගයේ දී ගුජරාට් ටයිටන්ස් කණ්ඩායමට එරෙහිවයි.
මෙම තරගයේ දී ඔහු යොමු කළ පළමු පන්දුවෙන්ම, එනම් අයි.පී.එල් පිටියේ දී ඔහු යොමු කළ තම මංගල පන්දුවෙන්ම කඩුල්ලක් දවා ගැනීමට මතීෂ පතිරණ සමත් වීම කැපී පෙනුණා.
ඔහුගේ පන්දුවක් හමුවේ එලෙස දැවී ගියේ ආරම්භක පිතිකරු ෂුබ්මන් ගිල්.
දැවී යන විට ගිල් ලබා සිටි ලකුණු සංඛ්යාව 18(17)ක්.
පතිරණ යොමු කළ පළමු පන්දුවට කඩුල්ල මුවා කිරීමේ වදරට හසු වීමෙනුයි ෂුබ්මන් ගිල්ට යළි ක්රීඩාගාරය වෙත ගමන් කිරීමට සිදු වූයේ.
මුම්බායි හි වන්කඩේ ක්රීඩාංගනයේ දී අද පස්වරුවේ ආරම්භ වූ මෙම තරගයේ පළමුව පන්දුවට පහරදුන් චෙන්නායි කණ්ඩායම කඩුලු 5ක් දැවී ලකුණු 133ක් ලබා ගත්තා.
ගුජරාට් කණ්ඩායම පිළිතුරු ඉනිම ක්රීඩා කරමින් සිටියදී ඔවුන්ගේ ඉනිමේ 8 වැනි පන්දුවාරය යොමු කිරීම සදහායි චෙන්නායි නායක මහේන්ද්ර සිං දෝනි විසින් මතීෂ පතිරණ කැදවනු ලැබුවේ.
පළමු පන්දුවෙන්ම කඩුල්ලක් දවා ගත්ත ද, එම පන්දුවාරයේ දී ගුජරාට් කණ්ඩායම ලකුණු 12ක් රැස් කිරීමට ද සමත් වුණා.
— cric fun (@cric12222) May 15, 2022
