අජින්කෙයා රහානේගේ හා ශිවම් ඩූබේගේ වේගවත් පිතිහරඹයත්, ඩෙවෝන් කොන්වේගේ අර්ධ ශතකයත් හමුවේ කොල්කටා නයිට් රයිඩර්ස් කණ්ඩායම සමග පැවැති මෙවර ඉන්දීය ප්රිමියර් ලීග් ක්රිකට් තරගාවලියේ 33 වැනි තරගයෙන් ලකුණු 49 ක දැවැන්ත ජයක් වාර්තා කිරීමට චෙන්නායි සුපර් කිංග්ස් කණ්ඩායම අද(23) සමත් වුණා.
කොල්කටාහි ඊඩ්න් ගාර්ඩ්න්ස් ක්රීඩාංගනයේ දී පැවැති තරගයේ කාසියේ වාසිය දිනූ කොල්කටා කණ්ඩායමේ ආරාධනයෙන් පළමුව පන්දුවට පහර දුන් චෙන්නායි කණ්ඩායම පන්දුවාර 20 අවසානයේ කඩුලු 4 ක් දැවී ලකුණු 235 ක් ලබා ගත්තා.
පිළිතුරු ඉනිම ක්රීඩා කළ කොල්කටා පිලට පන්දුවාර 20 අවසානයේ කඩුලු 8 ක් දැවී ලබා ගත හැකි වූයේ ලකුණු 186 ක් පමණයි.
චෙන්නායි පන්දු යවන්නන්ට හිසරදයක් බවට පත් වූ ජේසන් රෝයි පන්දු 26 කින් වේගවත් ලකුණු 61 ක් ලබා ගත්තා. හයේ පහර 5 ක් හා හතරේ පහර 5ක් ඔහුගේ ඉනිමට ඇතුළත්. රෝයි දැවී ගියේ තීක්ෂණගේ පන්දුවක් කෙළින්ම කඩුල්ලේ වැදීමෙන්. රින්කු සිං පන්දු 33 කින් නොදැවී ලකුණු 53 ක් රැස් කළා.
පන්දු යැවීමේ මහීෂ් තීක්ෂණ ලකුණු 32 කට කඩුලු 2 ක් හා තුෂාර් දේශපන්ඩේ ලකුණු 43 කට කඩුලු 2ක් දවා ගත්තා. මතීෂ පතිරණ එක් කඩුල්ලක් බිද හෙලුවේ ලකුණු 27 ක් ලබා දෙමින්. පතිරණගේ පන්දුවක් හමුවේ දැවී ගියේ ලකුණු 9ක් ලබා සිටි අන්ඩ්රි රසල්. (දර්ශන පහතින්)
පළමුව පන්දුවට පහරදුන් චෙන්නායි ඉනිම වෙනුවෙන් අජින්කෙයා රහානේ ලකුණු 71 ක් නොදැවී ලබා ගත්තේ පන්දු 29 කට පමණක් මුහුණ දෙමින්. ඔහුගේ ඉනිමට හයේ පහර 5 ක් හා හතරේ පහර 6ක් ඇතුළත්.
ඩෙවෝන් කොන්වේ ලකුණු 56(40) ක් ද, ශිවම් ඩූබේ ලකුණු 50(21) ක් ද රැස් කළා. ඩූබේගේ ඉනිමට හයේ පහර 5 ක් හා හතරේ පහර 2 ක් ඇතුළත් වුණා.
පන්දු යැවීමේ දී Kulwant Khejroliya ලකුණු 44 කට කඩුලු 2 ක් දවා ගත්තා.
— CricDaily24 (@cricday96) April 23, 2023
— CricDaily24 (@cricday96) April 23, 2023
