ඉන්දීය පිතිකරු කේ.එල් රාහුල්ට මෙවර ආසියානු කුසලාන එක්දින ක්රිකට් තරගාවලිය යටතේ ඉන්දියාව ක්රීඩා කරන පළමු තරග දෙක අහිමි වී තිබෙනවා.
ඒ බව ඉන්දීය ක්රිකට් කණ්ඩායමේ ප්රධාන පුහුණුකරු රාහුල් ඩ්රාවිඩ් තහවුරු කළ බවයි ඉන්දීය ක්රිකට් පාලක මණ්ඩලය නිවේදනය කළේ.
කේ.එල් රාහුල් ආබාධයකට ලක්වීම හේතුවෙන් පසුගිය කාලයේ දී ක්රිකට් පිටියෙන් ඉවත්ව සිටියා. කෙසේ වෙතත්, ඔහුව ආසියානු කුසලාන තරගාවලිය සදහා නම් කිරීමටයි පියවර ගැණුනේ.
එම නම් කිරීම සිදු කරන අවස්ථාව වන විටත් රාහුල් 100% ක සුදුසු ශාරීරික යෝග්යතාවයකින් පසු වූයේ නැහැ.
නමුත්, මේ වන විට රාහුල් ඉතා හොදින් සුවය ලබමින් සිටින බවත්, පසුගිය සතියේ දී ඔහු හොදින් පුහුණුවීම් කටයුතුවල නිරත වූ බවත් රාහුල් ඩ්රාවිඩ් පෙන්වා දෙනවා.
කෙසේ වෙතත්, ඔහු සෙසු ක්රීඩකයින් සමග ශ්රී ලංකාව වෙත නොපැමිණෙන අතර, ආසියානු කුසලාන තරගාවලියේ සුපිරි 4 වටය සදහා ඉන්දියාව සුදුසුකම් ලැබුවහොත් ඔහු එම වටයේ තරග සදහා ක්රීඩා කරන්නේ දැයි පසුව තීරණය කරනු ඇති.
ආසියානු කුසලාන තරගාවලිය යටතේ ඉන්දියාව ක්රීඩා කරන පළමු තරගය එළඹෙන දෙවැනිදා පාකිස්තානයට එරෙහිව පල්ලේකැලේ ක්රීඩාංගනයේ දී පැවැත්වීමට නියමිතයි.
ඔවුන් ක්රීඩා කරන දෙවැනි තරගය පැවැත්වෙන්නේ සැප්තැම්බර් 4 වැනිදා නේපාලයට එරෙහිවයි. එම තරගය ද මහනුවර පල්ලේකැලේ ක්රීඩාංගනයේ දී ම පැවැත්වීමට නියමිතව තිබෙනවා.
2023 ආසියානු කුසලාන එක්දින ක්රිකට් තරගාවලිය හෙට(30) සිට සැප්තැම්බර් 17 වැනිදා දක්වා පාකිස්තානයේ දී හා ශ්රී ලංකාවේ දී පැවැත්වීමට නියමිතයි
පළමු තරගය හෙට පැවැත්වෙන්නේ පාකිස්තානය හා නේපාලය අතරයි.
