වසරේ අයි.සී.සී පන්දුවාර 20යි 20 ක්රිකට් ක්රීඩකයාට හිමි සම්මානය සදහා නිර්දේශිත නාම ජගත් ක්රිකට් කවුන්සලය අද(29) නිවේදනය කළා.
නිර්දේශිත නාම 4ක් නිවේදනය කර ඇති අතර, ඒ අතරට ශ්රී ලංකා තුන් ඉරියව් ක්රීඩක වනිදු හසරංග ද ඇතුළත්ව තිබීම විශේෂත්වයක්.
ඔහුට අමතරව එංගලන්ත කඩුලු රකින පිතිකරු ජොස් බට්ලර්, ඔස්ට්රේලියානු තුන් ඉරියව් ක්රීඩක මිචෙල් මාෂ් හා පාකිස්තාන කඩුලු රකින පිතිකරු මොහොමඩ් රිස්වාන් ද නිර්දේශිත නාම අතරට අයත්.
වසරේ ටෙස්ට් ක්රීඩකයා සදහා ද ශ්රී ලංකා නායක දිමුත් කරුණාරත්න ඊයේ නිර්දේශ කෙරුණා.
වසරේ 20යි 20 ක්රීඩකයා ඇතුළු සෙසු ප්රධාන අයි.සී.සී සම්මාන (පිරිමි අංශයේ) හිමි කර ගත් ක්රීඩකයින්ගේ නම් ජනවාරි 24 වනදා ප්රකාශයට පත් කිරීමට නියමිත බවයි ජගත් ක්රිකට් කවුන්සලය සදහන් කළේ.
