බංග්ලාදේශ තරග සංචාරයේ නිරත ශ්රී ලංකා සංචිතය සමග රැදී සිටින මුල් පෙල පිතිකරුවෙකු වන කමිල් මිෂාර යළි ශ්රී ලංකාවට කැදවීමට ශ්රී ලංකා ක්රිකට් ආයතනය තීරණය කර තිබෙනවා.
ඒ, ඔහු සිය සංචාරක කොන්ත්රාත්තුවේ අඩංගු “ක්රීඩකයාගේ හැසිරීම/චර්යාව පාලනය කරන නීති” උල්ලංඝනය කිරීමේ සිද්ධියක් හේතුවෙන්.
ඒ අනුව ඔහු වහාම ක්රියාත්මක වන පරිදි දිවයිනට කැදවීමට පියවර ගෙන ඇති බව ක්රිකට් ආයතනය නිවේදනය කළා.
ඔහු දිවයිනට පැමිණීමෙන් අනතුරුව අදාළ සිද්ධිය සම්බන්ධයෙන් විමර්ශනයක් සිදු කරන බවයි ශ්රී ලංකා ක්රිකට් ආයතනය පැවසුවේ.
පුළුල් විමර්ශනයකින් පසුව කමිල් මිෂාර සම්බන්ධයෙන් ඉදිරි ක්රියාමාර්ග ගැනීමට නියමිතයි.
බංග්ලාදේශ බළධාරීන්ගෙන් ලද පැමිණිල්ලකට අනුව ක්රිකට් ආයතනය ඔහුව මෙලෙස දිවයිනට කැදවීමට පියවර ගෙන ඇති බවයි වාර්තා වන්නේ.
ජෛව ආරක්ෂිත බුබුල උල්ලංඝනය කිරීමේ සිද්ධියක් මීට හේතු වී ඇති බව සදහන්.
Kamil Mishara has been called back home immediately from Bangladesh. SLC acted after receiving a complaint from Bangladesh authorities. He’s believed to have breached the bio-secure bubble and faces suspension.
— Rex Clementine (@RexClementine) May 24, 2022
