ලංකා ප්රිමියර් ලීග් 20යි 20 ක්රිකට් තරගාවලිය ලබන නොවැම්බර් මස මුල් භාගයේදී නිල වශයෙන් දියත් කිරීමට ශ්රී ලංකා ක්රිකට් ආයතනය තීරණය කර තිබෙනවා.
තරගාවලිය නොවැම්බර් මස 14 වැනිදා සිට දෙසැම්බර් 06 වැනිදා දක්වා පැවැත්වෙනු ඇති.
කණ්ඩායම් 5 ක්, දින 15 ක කාලයක් තුළ තරග 23 කදී එකිනෙකා සමඟ තරග කිරීමට නියමිතයි.
මෙම තරගාවලිය කළමනාකරණය කිරීම සහ මෙහෙයවීම සඳහා අයි. පී. ජී. (IPG) හෙවත් Innovative Production Group ආයතනය සමඟ ශ්රී ලංකා ක්රිකට් ආයතනය ගිවිසුමකට එළැඹ සිටිනවා.
තරගාවලිය නියෝජනය කරනු ලබන කණ්ඩායම් 5 හිමිකරුවන්ගේ අයිතිවාසිකම්, රූපවාහිනී විකාශනය, නිෂ්පාදනය සහ ක්රීඩාංගණවල අයිතීන් පිළිබඳව සියළු මෙහෙයවීම් කටයුතු අයි.පී.ජී. ආයතනය විසින් සිදුකරනු ඇති.
කොළඹ, මහනුවර, ගාල්ල, දඹුල්ල සහ යාපනය යන දිස්ත්රික්ක 5 කේන්ද්ර කර ගනිමින් කණ්ඩායම 5 නම් කර තිබෙනවා.
සියළුම තරග රංගිරි දඹුල්ල, හම්බන්තොට මහින්ද රාජපක්ෂ සහ පල්ලකැලේ ජාත්යන්තර ක්රීඩාංගණයන්හිදී පැවැත්වීමට නියමිත බවයි ශ්රී ලංකා ක්රිකට් ආයතනය සදහන් කළේ.
