දිල්ලි කැපිටල්ස් කණ්ඩායමට සම්බන්ධ තවත් සාමාජිකයින් දෙදෙනෙකුට කොවිඩ් 19 ආසාදනය වී තිබෙනවා.
කැපිටල් සංචිතයේ සිටින විදෙස් ක්රීඩකයෙකුට සහ සහාය කාර්ය මණ්ඩල සාමාජිකයෙකුට මෙලෙස කොවිඩ් 19 ආසාදනය වී ඇති බවයි විදෙස් ක්රීඩා මාධ්ය වාර්තා කළේ.
මීට පෙර පසුගිය සිකුරාදා එම කණ්ඩායමේ භෞත චිකිත්සකවරයාටද කොවිඩ් 19 ආසාදනය වී ඇති බව හදුනා ගැනුණා.
මාර්තු 26 වැනිදා ආරම්භ වූ මෙවර අයි.පී.එල් තරඟාවලියෙන් කොවිඩ් 19 ආශ්රිත සිද්ධියක් වාර්තා වූ පළමු අවස්ථාව එයයි.
ඒ හේතුවෙන් පසුගිය සෙනසුරාදා රෝයල් චැලෙන්ජර්ස් බැංගලෝර් කණ්ඩායම සමග පැවති තරගයෙන් අනතුරුව කැපිටල්ස් ක්රීඩකයින් හා සහාය කාර්යය මණ්ඩලයේ සාමාජිකයින් ප්රතිවාදී කණ්ඩායමට ආචාර කිරීම වෙනුවෙන් අතට අත දීමෙන් ද වැළකී සිටියා.
කැපිටල්ස් කණ්ඩායම ලබන බදාදා පංජාබ් කිංග්ස් කණ්ඩායමට එරෙහිව සිය මීළඟ තරඟයට මුහුණ දීමට නියමිතව තිබෙනවා.
එම තරඟයට සහභාගි වීම සඳහා දිල්ලි කැපිටල්ස් කණ්ඩායම අද දිනයේ දී මුම්බායි සිට පූනේ දක්වා ගමන් කිරීමට නියමිතව තිබුණා.
