බංග්ලාදේශ වේග පන්දු යවන ක්රීඩකයින් වන ටස්කින් අහ්මඩ් හා ශොරිෆුල් ඉස්ලාම්ට ශ්රී ලංකාව සමග පැවැත්වීමට නියමිත පළමු ටෙස්ට් ක්රිකට් තරගය ක්රීඩා කිරීමේ අවස්ථාව අහිමි වී තිබෙනවා.
ඒ, ඔවුන් දෙදෙනා මුහුණ දී සිටින ආබාධ තත්ත්වයන් හේතුවෙන්.
ටස්කින්ට සමස්ත ටෙස්ට් තරගාවලියම අහිමි වීමට ඉඩ ඇති බවයි විදෙස් ක්රීඩා මාධ්ය වාර්තා කරන්නේ.
දකුණු අප්රිකාව සමග පැවැති පළමු ටෙස්ට් තරගයේ දී යි ටස්කින් අහ්මඩ්ගේ දකුණු උරහිසෙහි ආබාධ තත්ත්වයක් ඇති වුණේ. ඒ හේතුවෙන් ඔහුට දෙවැනි ටෙස්ට් තරගය ද අහිමි වුණා.
වළලුකර ආබාධයකට ලක්වීම නිසා ශොරිෆුල් ඉස්ලාම්ට දකුණු අප්රිකාවට එරෙහි ටෙස්ට් තරග දෙකම ක්රීඩා කිරීමට හැකි වූයේ නැහැ.
ඔහු එම ආබාධයෙන් සුවය ලබා ඇතත්, ඔහුගේ උදරය ආශ්රිතව ශල්යකර්මයක් සිදු කිරීම සදහා ශොරිෆුල් ඉස්ලාම්ව විදෙස් ගත කිරීමට නියමිතව ඇති බව සදහන්.
දෙරට අතර පැවැත්වෙන පළමු ටෙස්ට් තරගය මැයි 15 වනදා ද, දෙවැනි ටෙස්ට් තරගය මැයි 23 වනදා ද ආරම්භ වීමට නියමිතව තිබෙනවා.
