2021 වසරට අදාළ අයි.සී.සී සම්මානලාභීන් තෝරා ගැනීමේ ක්රියාවලිය සදහා දායකත්වය දැක්වීමේ අවස්ථාව ප්රේක්ෂකයින්ට ද මේ වන විට හිමිව තිබෙනවා.
පසුගිය මාසය අවසානයේ දී ජගත් ක්රිකට් කවුන්සලය විසින් ප්රධාන අයි.සී.සී සම්මාන 7ක් සදහා නිර්දේශිත නාම නිවේදනය කළා.
එම සෑම සම්මානයක් සදහාම නිර්දේශිත නාම 4 බැගින් ප්රකාශයට පත් කෙරුණු අතර, ඊට ශ්රී ලංකා ක්රීඩකයින් දෙදෙනෙකු ද ඇතුළත් වුණා.
වසරේ ටෙස්ට් ක්රිකට් ක්රීඩකයාට හිමි සම්මානය සදහා ශ්රී ලංකා නායක දිමුත් කරුණාරත්නගේ නම නිර්දේශ කිරීමටයි ජගත් ක්රිකට් කවුන්සලය පියවර ගත්තේ.
වසරේ 20යි 20 ක්රීඩකයාට හිමි සම්මානය සදහා තුන් ඉරියව් ක්රීඩක වනිදු හසරංග නිර්දේශ කෙරුණා.
ඒ අනුව නිර්දේශිත නාම අතරට අයත් ක්රීඩකයින් සදහා සිය මනාපය පල කිරීමේ අවස්ථාව ලොව පුරා ක්රීඩාලෝලීන්ට මේ වන විට උදා වී තිබෙනවා.
එම මනාප ද සැලකිල්ලට ගනිමිනුයි මෙවර අයි.සී.සී සම්මානලාභීන් තෝරා ගනු ලබන්නේ.
- දිමුත් කරුණාරත්න සදහා මනාපය පල කිරීමට මෙතන ක්ලික් කරන්න
- වනිදු හසරංග සදහා මනාපය පල කිරීමට මෙතන ක්ලික් කරන්න
වසරේ ටෙස්ට් ක්රීඩකයා හා 20යි 20 ක්රීඩකයා ඇතුළු සෙසු ප්රධාන අයි.සී.සී සම්මාන (පිරිමි අංශයේ) හිමි කර ගත් ක්රීඩකයින්ගේ නම් ජනවාරි 24 වනදා ප්රකාශයට පත් කිරීමට නියමිතයි.
