ජගත් ක්රිකට් කවුන්සලය විසින් දූෂණ චෝදනා 3කට තමා වරදකරු කරමින් ලබා දී ඇති තීන්දුවට එරෙහිව ඉදිරියේදී නීතිමය ක්රියාමාර්ග ගන්නා බව ශ්රී ලංකා හිටපු තුන් ඉරියව් ක්රීඩක දිල්හාර ලොකුහෙට්ටිගේ පවසනවා.
ස්වාධීන දූෂණ විරෝධී විනිශ්චය සභාවක් හමුවේ කළ විභාගයකින් අනතුරුවයි ඊයේ(28) දිනයේ දී ඔහු වරදකරු බවට අයි.සී.සීය විසින් නිවේදනය කළේ.
නමුත් එම විනිශ්චය සභාවේ සාමාජිකයෙකු තමන් වැරදිකරු නොවන බවට ප්රකාශ කර ඇති බව දිල්හාර ලොකුහෙට්ටිගේ පෙන්වා දෙනවා.
ඒ, ඕස්ට්රේලියාවේ සිට නෙත් එෆ්.එම් ප්රවෘත්ති වෙත අදහස් දක්වමින්.
තමන්ට එරෙහි චෝදනාවල සත්යතාවය ඉදිරි මාස කිහිපයේ දී ජනතාවට දැන ගත හැකි වනු ඇති බව ද ඔහු කියා සිටියා.
2019 වසරේ නොවැම්බර් මාසයේ දී යි අයි.සී.සී දූෂන මර්දන පනත යටතේ දිල්හාර ලොකුහෙට්ටිගේට චෝදනා ගොණු කෙරුණේ.
ඔහුට එරෙහිව ජගත් ක්රිකට් කවුන්සලය විසින් එමිරේට්ස් ක්රිකට් ආයතනය වෙනුවෙන් ද චෝදනා ගොණු කර ඇත්තේ එමිරේට්ස් ක්රිකට් ආයතන දූණෂ මර්දන පනතෙහි වගන්ති 3ක් උල්ලංඝනය කළ බවට සදහන් කරමින්.
T 10 ලීග් තරගාවලියට සහභාගී වීමට අදාළව මෙම චෝදනා ගොණු කර ඇති අතර, ඊට සම්බන්ධ විමර්ශන තවදුරටත් සිදු වන බව ජගත් ක්රිකට් කවුන්සලය සදහන් කළා.
