මෙම වසරේ පැවැත්වීමට නියමිත පන්දුවාර 20යි 20 ලෝක කුසලාන ක්රිකට් තරගාවලිය සම්බන්ධයෙන් තීරණයක් ගැනීම සදහා ජගත් ක්රිකට් කවුන්සලය යළි ලබන 10 වනදා රැස්වීමට තීරණය කර තිබෙනවා.
ඒ, වීඩියෝ තාක්ෂණය ඔස්සේ ජගත් ක්රිකට් කවුන්සලයේ සභාපති ශශාන්ක් මනෝහාර්ගේ ප්රධානත්වයෙන් අද(28) පැවැති අයි.සී.සී රැස්වීමේ දී යි.
ලෝක කුසලාන තරගාවලිය, අයි.සී.සී නව සභාපතිවරයා පත් කර ගැනීම ඇතුළු කරුණු පිළිබද අද දිනයේ දී සාකච්ඡා කිරීමට නියමිතව තිබුණ ද පසුව එය රහස්යභාවය පිළිබද ඇති වූ ගැටලු සම්බන්ධයෙන් සාකච්ඡාවක් බවට පත් වූ බව සදහන්.
ඒ අනුව න්යාය පත්රයේ සියලු කාරණා සම්බන්ධයෙන් වැඩිදුර සලකා බැලීම ජූනි 10 වනදාට කල් දමා තිබෙනවා.
අයි.සී.සී යේ ක්රියාකාරීත්වයේ රහස්යභාවය බිද වැටී ඇති බව සාමාජිකයින් රැසක් පෙන්වා දී ඇති බව සදහන්.
ඒ අනුව අයි.සී.සී ආචාර ධර්ම නිළධාරිවරයාගේ ප්රධානත්වයෙන් මේ සම්බන්ධයෙන් ස්වාධීන පරීක්ෂණයක් පැවැත්වීමටයි ජගත් ක්රිකට් කවුන්සලය අද පැවැති රැස්වීමේ දී තීරණය කර ඇත්තේ.
