මෙවර දේශීය තරග වාරය ලබන අගෝස්තු පළමු වැනිදා දක්වා අත්හිටුවීමට එංගලන්ත සහ වෙල්ස් ක්රිකට් ආයතනය තීරණය කර තිබෙනවා.
දේශීය තරග වාරය අප්රේල් 12 වනදා ආරම්භ වීමට නියමිතව තිබූ නමුත්, එය පසුව මැයි 28 වනදා දක්වාත්, අනතුරුව ජූලි පළමු වැනිදා දක්වාත් කල් දැමීමට සිදු වූයේ කොරෝනා වසංගත තත්ත්වය හේතුවෙන්.
කෙසේ වෙතත්, එංගලන්ත කණ්ඩායම ජූලි 8 වනදා සිට බටහිර ඉන්දීය කොදෙව් කණ්ඩායමට එරෙහිව තරග 3කින් යුත් ටෙස්ට් තරගාවලියක් සදහා එංගලන්තයේ දී ම ක්රීඩා කිරීමට නියමිතව තිබෙනවා.
මෙලෙස අගෝස්තු පළමු වැනිදා දක්වා දේශීය තරග පිටිය අත්හිටුවීම හේතුවෙන් එරට සිව්දින ක්රිකට් තරගාවලියේ (County Championship) තරග වට 10ක් පමණ අහිමි වනු ඇති.
මෙම වසරේ දී සංවිධාන කිරීමට සූදානම් කර තිබූ පන්දු සියයේ ක්රිකට් තරගාවලිය ද ලබන වසර දක්වා කල් දැමීමට මීට පෙර එංගලන්ත ක්රිකට් ආයතනය කටයුතු කළා.
