ශ්රී ලංකා පිතිකරු කුසල් මෙන්ඩිස් ඩුබායිහීදී හදිසි ශල්යකර්මයකට භාජනය වී ඇති බව Newswire වෙබ් අඩවිය වාර්තා කර තිබෙනවා.
මුත්රාශයේ ගල් (bladder stones) ඇති බවට හදුනා ගැනීමෙන් අනතුරුව මෙම හදිසි ශල්යකර්මය සිදු කිරීමට අවශ්ය වූ බවටයි වාර්තා වන්නේ.
මේ දිනවල පැවැත්වෙන ILT20 තරගාවලියට සහභාගී වීම සදහායි මෙන්ඩිස් ඩුබායිහි රැදී සිටින්නේ.
ඔහු මේ වන විට ශල්යකර්මයෙන් පසු සුවය ලබමින් සිටින බව සදහන්.
ශල්යකර්මය හේතුවෙන් ඔහුට ILT20 තරගාවලියේ ඉතිරි තරග අහිමි වනු ඇති.
ඒ අනුව මෙවර තරගාවලියේ දී ඔහු නියෝජනය කරන Sharjah Warriorz කණ්ඩායම විසින් ඉදිරියේදී නව ක්රීඩක ආදේශ කිරීමක් නිවේදනය කිරීමට නියමිතයි.
තරගාවලියේදී මෙන්ඩිස් එක් තරගයක් පමණක් (පසුගිය 10 වැනිදා) ක්රීඩා කළ අතර, එම තරගයේදී ඔහු ලකුණු 23(15) ක් ලබා ගත්තා.
