සංචාරක එංගලන්ත කණ්ඩායම සමග පැවැති තෙවැනි හා අවසන් එක්දින ක්රිකට් තරගයෙන් ලකුණු 142 ක දැවැන්ත ජයක් වාර්තා කරමින් තරගාවලිය තරග 3-0 ක් ලෙස ජය ගැනීමට ඉන්දියාව අද(12) සමත් වුණා.
අහ්මදාබාද්හීදී පැවැති තරගයේ කාසියේ වාසිය දිනූ එංගලන්තයේ ආරාධනයෙන් පළමුව පන්දුවට පහරදුන් ඉන්දියාව නියමිත පන්දුවාර 50 අවසන් කළේ සියලු දෙනා දැවී ලකුණු 356 ක් රැස් කරමින්.
පිළිතුරු ඉනිම ක්රීඩා කළ එංගලන්තයට පන්දුවාර 34.2 ක් අවසානයේ සියලු දෙනා දැවී රැස් කර ගත හැකි වූයේ ලකුණු 214 ක් පමණයි.
ටොම් බැන්ටන් හා ගස් ඇට්කින්සන් ලකුණු 38 බැගින් ලබා ගත් අතර, බෙන් ඩකට් ලකුණු 34 ක් ලබා ගත්තා.
පන්දුවාර හයක් අවසන් වන විට එංගලන්තය කිසිදු කඩුල්ලක් නොදැවී ලකුණු 60 ක් ලබා ප්රබල ස්ථානයක පසු වූ නමුත්, අනතුරුව දිගින් දිගටම කඩුලු බිද වැටීමත් සමග ඔවුන්ගෙන් තරගය ගිලිහී ගියා.
පන්දු යැවීමේදී අර්ෂ්දීප් සිං, හර්ෂිත් රානා, අක්සාර් පටෙල් හා හර්ඩික් පාන්ඩ්යා කඩුලු 2 බැගින් බිද හෙලුවා.
පළමුව පන්දුවට පහරදුන් ඉන්දියාව වෙනුවෙන් ෂුබ්මන් ගිල් ලකුණු 112 ක් රැස් කළේ පන්දු 102 කින් හයේ පහර 3 ක් හා හතරේ පහර 14 ක් සමගින්.
ෂ්රෙයස් අයියර් ලකුණු 78(64) ක් හා විරාත් කෝලි ලකුණු 52(55) ක් රැස් කළා.කේ එල් රාහුල් ලකුණු 40(29) යි.
පන්දු යැවීමේදී අඩිල් රෂිඩ් ලකුණු 64 ක් ලබා දෙමින් කඩුලු 4 ක් දවා ගත්තා.
