මැලේසියාවේ පැවැත්වෙන වයස අවුරුදු 19 න් පහළ කාන්තා පන්දුවාර විස්සයි 20 ලෝක කුසලාන ක්රිකට් තරගාවලියේ අවසන් පූර්ව වටයට සුදුසුකම් ලබා ගැනීමට එංගලන්තය අද(27) සමත් වුණා.
ඒ, සුපිරි හය වටය යටතේ අද පැවැති තරගයකින් නවසීලන්තය පරදා කඩුලු හයක ජයක් වාර්තා කරමින්.
Kuching හි පැවැති තරගයේ පළමුව පන්දුවට පහරදුන් නවසීලන්තය පන්දුවාර 20 අවසානයේ සියලු දෙනා දැවී ලබා ගත්තේ ලකුණු 89 ක් පමණයි.
පිළිතුරු ඉනිම ක්රීඩා කළ එංගලන්තය පන්දුවාර 11.4 ක් අවසානයේ කඩුලු 4 ක් දැවී ජයග්රාහී ඉලක්කය සපුරා ගත්තා.
ඒ අනුව දෙවැනි කාණ්ඩයෙන් එංගලන්තය හා දකුණු අප්රිකාව අවසන් පූර්ව වටයට සුදුසුකම් ලබා ගැනීමට සමත් වුණා.
පළමු කාණ්ඩයෙන් අවසන් පූර්ව වටයට සුදුසුකම් ලබා ගත්තේ ඔස්ට්රේලියාව හා ඉන්දියාවයි.
මේ අතර, තරගාවලියේ සුපිරි හය වටය යටතේ ශ්රී ලංකාව හා ඔස්ට්රේලියාව අතර පැවැත්වීමට නියමිත තරගය එළඹෙන 29 වැනිදා පැවැත්වීමට නියමිතයි.
