1990 වසරෙන් පසුව පළමු වරට පාකිස්තානයේදී ටෙස්ට් තරගයක් ජය ගැනීමට බටහිර ඉන්දීය කොදෙව් කණ්ඩායම අද(27) සමත් වුණා.
මුල්තාන්හි පැවැති තරගයේ තෙවැනි දිනය වූ අද දිනය ආරම්භයේදී තරගය ජය ගැනීම සදහා ලකුණු 254 ක ඉලක්කයක් හඹා යමින් සිටි පාකිස්තානය කඩුලු 4 ක් දැවී ලකුණු 76 ක් ලබා සිටි අතර, ඔවුන්ට සියලු දෙනා දැවී රැස් කර ගත හැකි වූයේ ලකුණු 133 ක් පමණයි.
බාබර් අසාම් ලකුණු 31 කට දැවී ගිය අතර, මොහමඩ් රිස්වාන් ලකුණු 25 ක් ලබා ගත්තා. පන්දු යැවීමේදී ජොමෙල් වොරිකන් ලකුණු 27 කට කඩුලු පහක් දවා ගත්තා. කෙවින් සින්ක්ලයාර් කඩුලු 3 ක් බිද හෙලුවේ ලකුණු 61 ක් ලබා දෙමින්.
තරගයේ පළමුව පන්දුවට පහරදුන් කොදෙව්වන් සියලු දෙනා දැවී ලකුණු 163 ක් ලබා ගත් අතර, පිළිතුරු ලෙස පාකිස්තානය රැස් කළේ ලකුණු 154 ක් පමණයි. අනතුරුව දෙවැනි ඉනිම ක්රීඩා කළ කොදෙව්වන් සියලු දෙනා දැවී ලකුණු 244 ක් ලබා ගත්තා.
ඒ අනුව දෙරට අතර පැවැති ටෙස්ට් තරගාවලිය තරග 1-1 ක් ලෙස සම තත්ත්වයෙන් අවසන් වුණා. මෙම පරාජයත් සමග පාකිස්තානයට මෙවර ලෝක ටෙස්ට් ශූරතාවලිය අවසන් කිරීමට සිදු වූයේ අවසන් ස්ථානයට පත් වෙමින්. (ප්රසාද ලකුණු සටහන පහතින්)
With their win in the second Test in Multan, West Indies move above Pakistan – who finish bottom – in the WTC table #PAKvWI pic.twitter.com/Eba9Rzqb0H
— ESPNcricinfo (@ESPNcricinfo) January 27, 2025
