ඔස්ට්රේලියාව හා ඉන්දියාව අතර පැවැත්වෙන සිව්වැනි ටෙස්ට් ක්රිකට් තරගයේ සිව්වැනි දිනය අදයි(29).
අද දිනයේදී ඔස්ට්රේලියානු දෙවැනි ඉනිම ආරම්භ කළ යොවුන් ආරම්භක පිතිකරු සෑම් කොන්ස්ටස්ගේ කඩුල්ල දවා ගැනීමට ජස්ප්රිට් බුම්රා සමත් වීම බොහෝ දෙනෙකුගේ අවධානය දිනා ගත් සිදුවීමක් බවට පත් වුණා.
බුම්රාගේ පන්දුවක් කෙළින්ම කඩුල්ලේ වැදීම හේතුවෙනුයි කොන්ස්ටස් දැවී ගියේ.
පළමු ඉනිමේදී හයේ පහර දෙකක් ද සමග බුම්රාට එරෙහිව අනපේක්ෂිත ප්රහාරයක් එල්ල කිරීමට කොන්ස්ටස් සමත් වූ අතර, බුම්රාට එරෙහිව එලෙස පිතිකරුවෙකු ටෙස්ට් තරගයකදී හයේ පහරක් එල්ල කිරීමට සමත් වුණේ වසර 4 කට පමණ පසුව වීම විශේෂත්වයක්.
මෙම තරගයේ පළමු දිනයේදී සෑම් කොන්ස්ටස් හා විරාත් කෝලි අතර ශාරීරික ගැටීමක් ද සිදු වූ අතර, ඉන්දීය පළමු ඉනිමේදී විරාත් කෝලි දැවී යාමෙන් පසුව සෑම් කොන්ස්ටස් එය සැමරූ ආකාරය ද බොහෝ දෙනාගේ අවධානය දිනා ගත්තා.
බුම්රා විසින් කොන්ස්ටස් දවා ගැනීමෙන් පසුව අද දිනයේදී එම කඩුලු සැමරුම සිදු කළේ ද කොන්ස්ටස් කඩුලු සැමරුම සිදු කළ ආකාරය අනුකරණය කරමින් වීම විශේෂත්වයක්.
ඊට අදාළ දර්ශන කිහිපයක් පහතින් –
MIDDLE STUMP! Jasprit Bumrah gets Sam Konstas with a pearler. #AUSvIND | #DeliveredWithSpeed | @NBN_Australia pic.twitter.com/A1BzrcHJB8
— cricket.com.au (@cricketcomau) December 29, 2024
If you can give it, You gotta take it! pic.twitter.com/WidepTbrTD
— a (@kollytard) December 29, 2024
Jaiswal bhi same breed hai bhai 🤣 pic.twitter.com/pjkPZYZOFM
— psyf (@PsyfeR888) December 29, 2024
