ඉන්දීය දග පන්දු යවන ක්රීඩක රවිචන්ද්රන් අශ්වින් ජාත්යන්තර ක්රිකට් පිටියෙන් විශ්රාම ගැනීමට තීරණය කර තිබෙනවා.
වහාම ක්රියාත්මක වන පරිදි තමා මෙලෙස ජාත්යන්තර පිටියට සමු දීමට තීරණය කළ බව ඔහු විසින් නිවේදනය කළේ ඔස්ට්රේලියාව සමග අද නිමා වූ තෙවැනි ටෙස්ට් තරගය ජය පරාජයෙන් තොරව අවසන් වීමෙන් පසුවයි.
තරගයෙන් පසුව පැවැති මාධ්ය හමුව සදහා නායක රෝහිත් ෂර්මා සමගින් අශ්වින් ද පැමිණ සිටි අතර, එහිදී ඔහු සිය තීරණය නිවේදනය කළා.
ඔස්ට්රේලියාව සමග පැවැති තෙවැනි ටෙස්ට් තරගය සදහා අශ්වින් ක්රීඩා නොකළ අතර, ඔහු අවසන් වරට ඉන්දියාව නියෝජනය කළේ දෙරට අතර පැවැති දෙවැනි ටෙස්ට් තරගයේදීයි.
සිය වසර 14 ක ජාත්යන්තර ක්රිකට් දිවියේදී ටෙස්ට් තරග 106 ක් ක්රීඩා කළ ඔහු දවා ගත් කඩුලු ගණන 537 ක්. ඉන්දියාව වෙනුවෙන් පන්දු යවන්නෙකු දවා ගත් දෙවැනි ඉහළම කඩුලු සංඛ්යාව මෙන්ම ලෝක ටෙස්ට් ඉතිහාසයේ පන්දු යවන්නෙකු දවා ගත් 7 වැනි ඉහළම කඩුලු සංඛ්යාව වන්නේ එයයි.
සමස්තයක් ලෙස ජාත්යන්තර තරග 287 ක් ක්රීඩා කර ඇති 38 හැවිරිදි අශ්වින් එහිදී බිද හෙලූ කඩුලු ගණන 765 ක්.
🗣️ "I've had a lot of fun and created a lot of memories."
All-rounder R Ashwin reflects after bringing the curtain down on a glorious career 👌👌#TeamIndia | #ThankYouAshwin | @ashwinravi99 pic.twitter.com/dguzbaousg
— BCCI (@BCCI) December 18, 2024
