වයස අවුරුදු 19 න් පහළ කාන්තා පන්දුවාර විස්සයි 20 ආසියානු කුසලාන ක්රිකට් තරගාවලියට ජයග්රාහී ආරම්භයක් ලබා ගැනීමට ශ්රී ලංකාව අද(15) සමත් වුණා.
ඒ, තරගාවලියේ පළමු තරගයෙන් මැලේසියාවේ පරදා ලකුණු 94 ක දැවැන්ත ජයක් ලබමින්.
මැලේසියාවේ ක්වාලාලම්පූර්හීදී පැවැති තරගයේ පළමුව පන්දුවට පහරදුන් ශ්රී ලංකාව කඩුලු 4 ක් දැවී ලකුණු 153 ක් ලබා ගත්තා.
නායිකා මනුදි නානායක්කාර පන්දු 40 කින් නොදැවී ලකුණුු 74 ක් රැස් කළේ හයේ පහර 2ක් හා හතරේ පහර 10 ක් සමගින්. ලිමන්සා තිලකරත්න නොදැවී ලකුණු 41(46) ක් ලබා ගත්තා.
පන්දු යැවීමේදී Nur Dania Syuhada ලකුණු 21 කට කඩුලු 2 ක් දවා ගත්තා.
පිළිතුරු ඉනිම ක්රීඩා කළ මැලේසියාවට පන්දුවාර 20 අවසානයේ කඩුලු හයක් දැවී ලබා ගත හැකි වූයේ ලකුණු 59 ක් පමණයි.
Nur Ain Binti Roslan ලකුණු 12 ක්, Suabika Manivannan ලකුණු 11 ක් හා Nuriman Hidayah නොදැවී ලකුණු 10 ක් රැස් කළා.
පන්දු යැවීමේදී හිරුනු හන්සිකා ලකුණු දෙකකට කඩුලු දෙකක් දවා ගත්තා.
මේ අතර, අද පැවැති තරගාවලියේ දෙවැනි තරගයෙන් පාකිස්තානය පරදා ඉන්දියාව කඩුලු 9 ක විශිෂ්ඨ ජයක් හිමි කර ගැනීමට සමත් වුණා.
පළමුව පන්දුවට පහරදුන් පාකිස්තානය කඩුලු 7ක් දැවී ලකුණු 67 ක් රැස් කළ අතර, පිළිතුරු ලෙස ඉන්දියාව පන්දුවාර 7.5 ක් අවසානයේ කඩුල්ලක් දැවී ජයග්රහනය තහවුරු කර ගත්තා.
