සංචාරක දකුණු අප්රිකා කණ්ඩායම හා බංග්ලාදේශ කණ්ඩායම අතර පැවැත්වෙන දෙවැනි හා අවසන් ටෙස්ට් ක්රිකට් තරගය අද(29) Chattogram හී දී ආරම්භ වුණා.
ටෝනි ද සෝර්සි හා ට්රිස්ටන් ස්ටබ්ස් රැස් කළ මංගල ටෙස්ට් ශතක හමුවේ පළමු දිනය නිමා වුණේ දිනයේ සියලු ගෞරව දකුණු අප්රිකාවට හිමි කර දෙමින්.
දිනය නිමා වන විට කාසියේ වාසිය දිනා පළමුව පන්දුවට පහර දෙමින් සිටි දකුණු අප්රිකාව කඩුලු දෙකක් දැවී ලබා සිටි ලකුණු සංඛ්යාව 307 ක්.
ටෝනි ද සෝර්සි නොදැවී ලකුණු 141 ක් ලබා කඩුල්ලේ රැදී සිටින්නේ හයේ පහර 3 කින් හා හතරේ පහර 10 කින් සිය ඉනිම වර්ණවත් කර ගනිමින්.
ස්ටබ්ස් හයේ පහර 3 ක් හා හතරේ පහර 6 ක් සමගින් ලකුණු 106 ක් ලබා ගත්තා. ඔවුන් දෙදෙනා අතර දෙවැනි කඩුල්ලට ගොඩ නැගුණු සම්බන්ධතාවය ලකුණු 201 (342) ක්.
සෝර්සි සමග ඉනිම ආරම්භ කළ ඒඩ්න් මාක්රම් ලකුණු 33 කට දැවී ගිය අතර, David Bedingham නොදැවී ලකුණු 18 යි.
පන්දු යැවීමේ දී තයිජුල් ඉස්ලාම් ලකුණු 110 කට කඩුලු 2 ක් දවා ගත්තා.
