ශ්රී ලංකාව හා නවසීලන්තය අතර ගාල්ලේ පැවැත්වෙන දෙවැනි ටෙස්ට් ක්රිකට් තරගයේ තෙවැනි දිනය වන අද (28) දිනයේ දී විශිෂ්ඨ පන්දුවක් යොමු කරමින් නවසීලන්ත පිතිකරු රචින් රවීන්ද්රගේ කඩුල්ල දවා ගැනීමට ශ්රී ලංකා දග පන්දු යවන ක්රීඩක නිශාන් පීරිස් සමත් වුණා.
නවසීලන්ත දෙවැනි ඉනිමේ 5 වැනි කඩුල්ල ලෙස රචින් රවීන්ද්ර දැවී ගියේ නිශාන්ගේ පන්දුවක් කෙළින්ම කඩුල්ලේ වැදීම හේතුවෙනුයි. දැවී යන විට රවීන්ද්ර ලබා සිටි ලකුණු සංඛ්යාව 12 ක්.
අද දිනයට තරගය ආරම්භ කරන විට සිය පළමු ඉනිම ක්රීඩා කරමින් සිටි නවසීලන්තය කඩුලු 2 ක් දැවී ලකුණු 22 ක් ලබා සිටි අතර, ඔවුන්ට සියලු දෙනා දැවී ලබා ගත හැකි වූයේ ලකුණු 88 ක් පමණයි. ඒ, තරගයේ පළමුව පන්දුවට පහර දුන් ශ්රී ලංකාව කඩුලු 5 ක් දැවී ලබා ගත් ලකුණු 602 කට පිළිතුරු ලෙසයි.
— cric sl (@cricslvideo) September 28, 2024
