ශ්රී ලංකා මැදපෙල පිතිකරු කමිදු මෙන්ඩිස් අද(18) ලෝක වාර්තාවක් සම කිරීමට සමත් වුණා.
ඒ, ටෙස්ට් වරම් දිනා ගැනීමෙන් පසුව ක්රීඩා කළ සිය පළමු ටෙස්ට් තරග හතේදීම ලකුණු 50 සීමාව පසු කරමින් ලකුණු රැස් කළ ලොව දෙවැනි ක්රීඩකයා බවට පත් වෙමින්.
නවසීලන්තය සමග අද ගාල්ලේ දී ආරම්භ වූ පළමු ටෙස්ට් තරගයේ පළමු දිනයේ දී ශ්රී ලංකා පළමු ඉනිම වෙනුවෙන් අර්ධ ශතකයක් සම්පූර්ණ කරමින් ඔහු එම ලෝක වාර්තාව සම කරනු ලැබුවා.
මීට පෙර ටෙස්ට් ඉතිහාසයේ දී එලෙස තමන් ටෙස්ට් වරම් දිනා ගැනීමෙන් පසුව ක්රීඩා කළ පළමු ටෙස්ට් තරග හතේදී ම ලකුණු 50 ට වැඩියෙන් වාර්තා කර තිබුණේ පාකිස්තානයේ සවුද් ශකීල් පමණයි.
කමිදු මේ දක්වා ටෙස්ට් පිටියේ දී ශතක 3 ක් හා අර්ධ ශතක 5 ක් වාර්තා කිරීමට සමත්ව සිටිනවා.
කමිදු මෙතෙක් දක්වා ඇති දක්ෂතා –
- ඔස්ට්රේලියාවට එරෙහිව පළමු ඉනිමේ දී ලකුණු 61 ක්
- බංග්ලාදේශයට එරෙහිව පළමු ඉනිමේ දී ලකුණු 102 ක්
- බංග්ලාදේශ්යට එරෙහිව දෙවැනි ඉනිමේ දී ලකුණු 164 ක්
- බංග්ලාදේශයට එරෙහිව පළමු ඉනිමේ දී නොදැවී ලකුණු 92 ක්
- බංග්ලාදේශයට එරෙහිව දෙවැනි ඉනිමේ දී ලකුණු 9ක්
- එංගලන්තයට එරෙහිව පළමු ඉනිමේ දී ලකුණු 12 ක්
- එංගලන්තයට එරෙහිව දෙවැනි ඉනිමේ දී ලකුණු 113 ක්
- එංගලන්තයට එරෙහිව පළමු ඉනිමේ දී ලකුණු 74 ක්
- එංගලන්තයට එරෙහිව දෙවැනි ඉනිමේ දී ලකුණු 4ක්
- එංගලන්තයට එරෙහිව පළමු ඉනිමේ දී ලකුණු 64 ක්
- නවසීලන්තයට එරෙහිව පළමු ඉනිමේ දී අර්ධ ශතකයක්…
