2024 පන්දුවාර විස්සයි 20 ලෝක කුසලාන ක්රිකට් තරගාවලිය සදහා ක්රීඩා කරන ඉන්දීය සංචිතය නිවේදනය කර තිබෙනවා.
රෝහිත් ෂර්මාගේ නායකත්වයෙන් යුත් සංචිතයට ක්රීඩකයින් 15 දෙනෙකු ඇතුළත්. සංචිතයේ උප නායකයා ලෙස නම් කර ඇත්තේ හර්ඩික් පාන්ඩ්යා.
සංචිතය සදහා යුස්වේන්ද්ර චෙහල්, ශිවම් ඩූබේ නම් කර තිබීම විශේෂත්වයක්. සංජු සැම්සන් ද ලෝක කුසලාන සංචිතයේ ස්ථානයක් හිමි කර ගෙන තිබෙනවා.
දරුණු රිය අනතුරකට ලක්ව වසකටත් වැඩි කාලයක් ක්රිකට් පිටියෙන් ඉවත්ව සිට, මෙවර ඉන්දීය ප්රිමියර් ලීග් තරගාවලියේ දී යළි ක්රිකට් පිටියට පිවිසි රිෂාබ් පාන්ට් ද සංචිතයට ඇතුළත්.
කේ එල් රාහුල්ට මෙම සංචිතයේ ස්ථානයක් හිමිව නැහැ. යශස්වි ජයිස්වාල් සංචිතයට නම් කර ඇති අතර, දග පන්දු යවන්නන් ලෙස යුස්වේන්ද්ර චෙහල් සමග රවීන්ද්ර ජඩේජා, අක්සාර් පටෙල් හා කුල්දීප් යාදව් සංචිතයට නම් කර තිබෙනවා.
ප්රධාන වේග පන්දු යවන්නන් තිදෙනෙකු පමණක් මෙම සංචිතයට ඇතුළත්. එනම්, අර්ෂ්දීප් සිං, ජස්ප්රිට් බුම්රා හා මොහමඩ් සිරාජ් යන ක්රීඩකයින්.
ජූනි පළමු වැනිදා ආරම්භ වන විස්සයි 20 ලෝක කුසලාන තරගාවලිය බටහිර ඉන්දීය කොදෙව් දූපත්හී දී හා ඇමෙරිකා එක්සත් ජනපදයේ දී පැවැත්වීමට නියමිතයි.
ඉන්දියාව ක්රීඩා කරන පළමු තරගය පැවැත්වෙන්නේ ජූනි 5 වැනිදා නිව් යෝර්ක් හීදී අයර්ලන්තයට එරෙහිවයි.
Squad:
Rohit Sharma (C), Hardik Pandya (VC), Yashasvi Jaiswal, Virat Kohli, Suryakumar Yadav, Rishabh Pant (WK), Sanju Samson (WK), Shivam Dube, Ravindra Jadeja, Axar Patel, Kuldeep Yadav, Yuzvendra Chahal, Arshdeep Singh, Jasprit Bumrah, Mohd. Siraj.
Reserve players: Shubman Gill, Rinku Singh, Khaleel Ahmed, Avesh Khan
