නැෂනල් සුපර් ලීග් සිව්දින ක්රිකට් තරගාවලිය යටතේ කොළඹ හා යාපනය කණ්ඩායම් අතර පැවැති 12 වැනි තරගය ඊයේ(17) ජය පරාජයෙන් තොරව නිමා වුණා.
කොළඹ ආර්. ප්රේමදාස ක්රීඩාංගනයේ පැවැති තරගයේ පළමුව පන්දුවට පහරදුන් යාපනය කණ්ඩායම සියලු දෙනා දැවී ලකුණු 491 ක් ලබා ගත් අතර, පිළිතුරු ලෙස කොළඹ කණ්ඩායම කඩුලු 8ක් දැවී ලකුණු 592 ක් ලබා සිටියදී ඉනිම අත්හිටුවීමට පියවර ගත්තා.
තරගයේ අවසන් දිනය ඊයේ නිමා වන විට සිය දෙවැනි ඉනිම ක්රීඩා කරමින් සිටි යාපනය පිල කඩුලු 2ක් දැවී ලබා සිටි ලකුණු සංඛ්යාව 146 ක්.
යාපනය පළමු ඉනිම වෙනුවෙන් රොන් චන්ද්රගුප්ත (128) හා නිපුන් කරුණානායක (119) ශතක වාර්තා කළ අතර, කොළඹ පිල වෙනුවෙන් සුපිරි ඉනිමක් ක්රීඩා කළ නුවනිදු ප්රනාන්දු ලකුණු 180 ක් ලබා ගත්තා. දසුන් ශානක ලබා ගත් ලකුණු සංඛ්යාව 118 ක්.
මේ අතර, තරගාවලියේ 11 වැනි තරගයෙන් මහනුවර කණ්ඩායම පරදා කඩුලු 10ක ජයක් වාර්තා කිරීමට ගාලු කණ්ඩායම සමත් වුණා.
හම්බන්තොට පැවැති තරයේ පළමුව පන්දුවට පහරදුන් මහනුවර කණ්ඩායම සියලු දෙනා දැවී ලකුණු 210 ක් රැස් කළ අතර, පිළිතුරු ලෙස ගාලු පිල රැස් කළ ලකුණු සංඛ්යාව 248 ක්.
මහනුවර දෙවැනි ඉනිම ලකුණු 144 කට සීමා වුණේ තරගය ජය ගැනීම සදහා ගාල්ලට ලකුණු 107 ක ඉලක්කයක් හිමි කර දෙමින්. ගාලු කණ්ඩායම කිසිදු කඩුල්ලක් නොදැවී ජයග්රාහී ඉලක්කයට ළගා වුණා.
