කාන්තා ක්රිකට් පිටියේ දී පන්දු යවන්නියක් පැයට කිලෝ මීටර් 130 කට වඩා වැඩි වේගයකින් පන්දුවක් යොමු කළ පළමු අවස්ථාව (වේගය මැන බැලීම ආරම්භ කිරීමෙන් පසුව) සනිටුහන් කරමින් ඉතිහාගත වීමට දකුණු අප්රිකා වේග පන්දු යවන ක්රීඩිකා ශබ්නිම් ඉස්මයිල් සමත් වුණා.
ඊයේ (5) රාත්රියේ පැවැති 2024 කාන්තා ප්රිමියර් ලීග් (WPL) තරගාවලියේ 12 වැනි තරගයේ දී දිල්ලි කැපිටල්ස් කණ්ඩායමට එරෙහිවයි ඇය මෙම දක්ෂතාවය දක්වනු ලැබුවේ.
මුම්බායි ඉන්දියන්ස් කණ්ඩායම නියෝජනය කරන ඇය විසින් අදාළ තරගයේ තෙවැනි පන්දුවාරයේ දෙවැනි පන්දුව පැයට කිලෝ මීටර් 132.1 ක වේගයකින් යොමු කරනු ලැබුවා.
ඉස්මයිල් විසින් මෙවර කාන්තා ප්රිමියර් ලීග් තරගාවලියේ පළමු තරගයේ දී ද කැපිටල්ස් කණ්ඩායමටම එරෙහිව පැයට කිලෝ මීටර් 128.3 ක වේගයෙන් යුතු පන්දුවක් යොමු කර තිබුණා.
ජාත්යන්තර ක්රිකට් පිටියේ දී ද වේගවත්ම පන්දුව යොමු කිරීමේ වාර්තාව හිමිව ඇත්තේ ඇයටයි. ඇය 2016 වසරේ දී බටහිර ඉන්දීය කොදෙව් කණ්ඩායමට එරෙහිව පැවැති තරගයකදී පැයට කිලෝ මීටර් 128 ක වේගයකින් යුතු පන්දුවක් යොමු කර තිබුණා.
දිල්ලි හී දී ඊයේ පැවැති තරගයෙන් දිල්ලි කැපිටල්ස් කණ්ඩායම ලකුණු 29 ක ජයක් වාර්තා කළා.
තරගයේ පළමුව පන්දුවට පහරදුන් කැපිටල්ස් කණ්ඩායම කඩුලු 4ක් දැවී ලකුණු 192 ක් ලබා ගත් අතර, පිළිතුරු ඉනිම ක්රීඩා කළ මුම්බායි කණ්ඩායමට කඩුලු 8ක් දැවී ලබා ගත හැකි වූයේ ලකුණු 163 ක් පමණයි.
