ජාත්යන්තර ක්රිකට් කවුන්සලය (අයි.සී.සී) විසින් ශ්රී ලංකා ක්රිකට් ආයතනයට එරෙහිව පැනවූ ක්රිකට් තහනම අද(28) ඉවත් කෙරුණා.
අයි.සී.සී ය මාධ්ය නිවේදනයක් නිකුත් කරමින් සදහන් කළේ වහාම ක්රියාත්මක වන පරිදි එම තහනම ඉවත් කිරීමට කටයුතු කර ඇති බවයි.
ක්රීඩා අමාත්ය හරීන් ප්රනාන්දු මහතා විසින් ද ට්විටර් පණිවිඩයක් නිකුත් කරමින් මීට පෙර මේ බව සදහන් කළා.
ක්රිකට් ආයතනයේ පරිපාලනයට දේශපාලන මැදිහත් වීම් සිදු වන බව පවසමිනුයි ශ්රී ලංකා ක්රිකට් ආයතනයේ සාමාජිකත්වය අත්හිටුවීමට අයි.සී.සීය පසුගිය නොවැම්බර් 10 වැනිදා පියවර ගත්තේ.
ශ්රී ලංකා ක්රිකට් ආයතනය සාමාජිකයෙකු ලෙස සිය බැදීම් බරපතල ලෙස කඩකරමින් සිටින බව අයි.සී.සී මණ්ඩලය එදින රැස් වූ අවස්ථාවේ දී තීරණය කර තිබුණා.
විශේෂයෙන්ම, ක්රිකට් ආයතනයේ කටයුතු ස්වාධීනව කළමනාකරණය කිරීමේ අවශ්යතාවය හා ශ්රී ලංකාවේ ක්රිකට් ක්රීඩාවේ පාලනය, නියාමනය සහ/හෝ පරිපාලනය සඳහා රජයේ මැදිහත්වීමක් සිදු නොවන බවට සහතික වීමට නොහැකි වීම එම තීරණය ගැනීමට හේතු වූ බවයි අයි.සී.ය සදහන් කළේ.
හිටපු ක්රීඩා අමාත්ය රොෂාන් රණසිංහ මහතා විසින් ශ්රී ලංකා ක්රිකට් ආයතනයේ ලියාපදිංචිය අත්හිටුවමින් ක්රිකට් ආයතනයේ පරිපාලන කටයුතු වෙනුවෙන් ක්රිකට් අතුරු කමිටුවක් පත් කිරීමට තීරණය කිරීමත් සමග අයි.සී.සීය එම පියවර ගත්තා.
කෙසේ වෙතත්, අදාළ අතුරු කමිටුව අවලංගු කිරීමටයි නව ක්රීඩා අමාත්යවරයා ලෙස පත් වූ හරීන් ප්රනාන්දු මහතා පසුගිය දෙසැම්බර් 12 වැනිදා තීරණය කළේ.
දේශපාලන මැදිහත් වීම් හේතුවෙන් ශ්රී ලංකා ක්රිකට් සාමාජිකත්වය අත්හිටුවා තිබුණ ද, පසුගිය නොවැම්බර් 21 වැනිදා පැවැති අයි.සී.සී රැස්වීමේ දී තීන්දු කෙරුණේ ශ්රී ලංකාවට තවදුරටත් ජාත්යන්තර තරග සදහා ක්රීඩා කිරීමට අවස්ථාව ලබා දීමටයි.
නමුත්, මෙරට දී පැවැත්වීමට නියමිතව තිබූ වයස අවුරුදු 19න් පහළ ලෝක කුසලාන එක්දින ක්රිකට් තරගාවලිය දකුණු අප්රිකාව කරා රැගෙන යාමට අයි.සී.සීය කටයුතු කළා.
ICC lifts the ban that was imposed on Sri Lanka with immediate effect. Offical media release will be follow soon .
— Harin Fernando (@fernandoharin) January 28, 2024
