සෑම අයි.පී.එල් තරගාවලියකදී ම මුම්බායි ඉන්දියන්ස් කණ්ඩායම සම්බන්ධයෙන් බොහෝ දෙනෙකුගේ අවධානය යොමු වනු දක්නට ලැබෙනවා.
ඔවුන් සතු පිතිකරණ ලැයිස්තුවේ ශක්තිය ද ඊට එක් හේතුවක් බව අමුතුවෙන් සදහන් කළ යුතු නොවේ.
මෙවර තරගාවලියේ දී ද ඔවුන්ගේ පිතිකරණ ලැයිස්තුව ඉතා ශක්තිමත් බව දක්නට ලැබෙනවා.
රෝහිට් ෂර්මා, ක්වෙන්ටන් ඩී කොක්, ඉෂාන් කිෂාන්, කිරන් පොලාඩ් සහ හර්ඩික් පාන්ඩ්යා වැඩි ප්රබල ක්රීඩකයින් මුම්බායි කණ්ඩායම සතුයි.
කෙසේ වෙතත්, මුම්බායි ඉන්දියන්ස් කණ්ඩායමේ ආරම්භක පිතිකරු ක්වෙන්ටන් ඩී කොක් මෙවර අයි.පී.එල් තරගාවලියේ දී මෙතෙක් කැපී පෙනෙන දක්ෂතාවයක් දැක්වීමට සමත් වී නැහැ.
පළමු තරගයේ දී ලකුණු 33ක් ලබා ගනිමින් යම් සාර්ථකත්වයක් ඔහු පෙන්වනු ලැබුව ද අනතුරුව ක්රීඩා කළ තරග දෙකේ දී ම ඔහු පිළිවෙලින් රැස් කළේ එක් ලකුණක් සහ ලකුණු 14ක් පමණයි.
ඒ අනුව කිංග්ස් ඉලවන් පන්ජාබ් කණ්ඩායමට එරෙහි අද(1) තරගයේ දී හෝ ඔහු ලකුණු අතරට පිවිසෙනු ඇති බවට බොහෝ දෙනෙකු අපේක්ෂා කළා.
කෙසේ වෙතත්, මෙම තරගයේ දී ද ක්වෙන්ටන් ඩී කොක් පන්දු පහකට මුහුණ දී ලකුණු නොලබා දැවී යාම විශේෂත්වයක්.
ඒ, ෂෙල්ඩන් කොට්රෙල් යැවූ සුපිරි පන්දුවක් කෙලින්ම කඩුල්ලේ වැදී යාමෙන්.
පා ඉන්න දෙසට ආ පන්දුවකට ක්වෙන්ටන් ඩී කොක් පහරක් එල්ල කිරීමට උත්සාහ කළ ද, අවසන් මොහොතේ පන්දුව පිතිකරුවාගෙන් පිටතට දෝලනය වුණා.
ඒ හේතුවෙන් ඔහුට ඊට නිසි අයුරින් පහර දීමට නොහැකි වූ අතර, පන්දුව කෙලින්ම මැද ඉන්නේ වැදීම නිසා ක්වෙන්ටන් ඩී කොක්ට ලකුණු නොලබා ක්රීඩාගාරය බලා පිටව යාමටයි සිදු වුණේ.
