පාකිස්තාන වේග පන්දු යවන ක්රීඩක නසීම් ශාහ්ට 2023 ලෝක කුසලාන එක්දින ක්රිකට් තරගාවලියම ක්රීඩා කිරීමේ අවස්ථාව අහිමි වීමේ අවධානමක් මතුව තිබෙනවා.
ඒ, මෙවර ආසියානු කුසලාන ක්රිකට් තරගාවලියේ සුපිරි 4 වටය යටතේ ඉන්දියාව සමග පැවැති තරගයේ දී ඔහු මුහුණ දුන් දකුණු උරහිසේ ආබාධය හේතුවෙන්.
සිදු කෙරුණු වෛද්ය පරීක්ෂණවලින් අනාවරණය වී ඇත්තේ ඔහුගේ ආබාධ තත්ත්වය අපේක්ෂා කෙරුණු මට්ටමට වඩා දරුණු වී ඇති බවයි.
ඒ අනුව ඔහුට මෙම වසරේ දී යළි ක්රිකට් පිටියට පිවිසීමට නොහැකි වනු ඇති බවයි විදෙස් ක්රීඩා මාධ්ය වාර්තා කර ඇත්තේ.
ලබන වසරේ පැවැත්වෙන පාකිස්තාන සුපර් ලීග් තරගාවලිය ද මෙම ආබාධය නිසා ඔහුට අහිමි වීමට ඉඩ පවතින බව සදහන්.
ඉදිරි වෛද්ය පරීක්ෂණවලින් පසුව පාකිස්තාන ක්රිකට් ආයතනය ඔහු සම්බන්ධයෙන් තීරණයක් ගැනීමට නියමිතව තිබෙනවා.
