2023 ලංකා ප්රිමියර් ලීග් ක්රිකට් තරගාවලියේ අවසන් වටයේ තරග අද (17) ආරම්භ වනවා.
අවසන් වටයේ පළමු තරගය හෙවත් Qualifier 1 තරගය සදහා සුදුසුකම් ලබා ඇත්තේ ප්රසාද ලකුණු සටහනේ පළමු ස්ථානය හිමි කර ගත් දඹුල්ල අවුරා කණ්ඩායම හා දෙවැනි ස්ථානය දිනා ගත් ගෝල් ටයිටන්ස් කණ්ඩායමයි.
එම තරගය පස්වරු 3ට කොළඹ ආර්. ප්රේමදාස ක්රීඩාංගනයේ දී ආරම්භ වීමට නියමිතයි.
රාත්රී 7.30ට ආරම්භ වන අවසන් වටයේ දෙවැනි තරගය හෙවත් Eliminator තරගය සදහා ක්රීඩා කරන්නේ බී-ලව් කැන්ඩි කණ්ඩායම හා ජැෆ්නා කිංග්ස් කණ්ඩායමයි.
මූලික වටයේ දී එම කණ්ඩායම් දෙක පිළිවෙලින් ප්රසාද ලකුණු සටහනේ තෙවැනි හා සිව්වැනි ස්ථාන හිමි කර ගත්තා.
Qualifier 1 තරගය ජය ගන්නා කණ්ඩායම අවසන් මහා තරගය සදහා සුදුසුකම් ලබා ගන්නවා. පරාජයට පත් වන කණ්ඩායම Eliminator තරගයෙන් ජය ගන්නා කණ්ඩායම සමග අවසන් වටයේ තෙවැනි තරගය හෙවත් Qualifier 2 තරගයේ දී තරග වැදීමට නියමිතයි.
Qualifier 2 තරගය එළඹෙන 19 වැනිදා පැවැත්වීමට නියමිත අතර, ඉන් ජය ගන්නා කණ්ඩායම එළඹෙන 20 වැනිදා පැවැත්වෙන අවසන් මහා තරගයට සුදුසුකම් ලබා ගන්නවා.
අවසන් වටයේ සියලු තරග කොළඹ ආර්. ප්රේමදාස ක්රීඩාංගනයේ දී පැවැත්වෙන අතර, Qualifier 2 හා අවසන් මහා තරගය රාත්රී තරග ලෙස පැවැත්වීමට නියමිතයි.
[team_standings 49368]
