එංගලන්තය හා ඔස්ට්රේලියාව අතර පැවැත්වෙන 5 වැනි හා අවසන් අළුබදුන ටෙස්ට් ක්රිකට් තරගයේ අවසන් දිනය වන අද(31) දිනයේ දී බෙන් ස්ටොක්ස් අතින් ගිලිහී ගිය උඩ පන්දුවක් බොහෝ දෙනෙකුගේ අවධානය දිනා ගැනීමට සමත් වුණා.
ඒ, එම උඩ පන්දුව ඔහු අතින් සැබවින්ම ගිලිහී ගියේ ද, නැතහොත් එය උඩ පන්දුවක් ලෙස රැක ගත්තේ යන්න සම්බන්ධයෙන් ඇති වූ මතභේදාත්මක තත්ත්වය හේතුවෙන්.
දිනය ආරම්භ කරන විට සිය දෙවැනි ඉනිමේ දී තරගය ජය ගැනීම සදහා ලකුණු 384 ක ඉලක්කයක් හඹා යමින් සිටි ඔස්ට්රේලියාව කඩුලු කිසිවක් නොදැවී ලබා සිටි ලකුණු සංඛ්යාව 135 ක්.
ඉනිම අතරවාරයේ දී මොයීන් අලී යොමු කළ පන්දුවකින් අනතුරුව ස්ටීවන් ස්මිත් විසින් ලෙග් ස්ලිප්හි පන්දු රකිමින් සිටි බෙන් ස්ටොක්ස් අතට උඩ පන්දුවක් ලබා දුන්නා.
එය ස්ටොක්ස් විසින් රැක ගන්නා ආකාරයක් දක්නට ලැබුණ ද, සුළු මොහොතකට පසුව ඔහුට පන්දුව අතින් ගිලිහී යනවා.
ඒ අනුව එය දැවී යාමක් ලෙස විනිසුරු විසින් ප්රකාශ නොකළ අතර, පසුව එංගලන්තය විනිසුරු තීරණ නැවත විමසීමේ ක්රමවේදය ඔස්සේ මෙම තීරණය අභියෝගයට ලක් කළා.
එහිදී පන්දුව පිතිකරුගේ අත් ආවරණවල දැවටී යන ආකාරය පැහැදිලිව දැක ගත හැකි වුණා. නමුත්, උඩ පන්දුව සාර්ථක ලෙස ස්ටොක්ස් විසින් රැක නොගන්නා බවක් දක්නට ලැබුණු බැවින් ස්මිත් නොදැවී ගිය පිතිකරුවෙකු ලෙසයි තෙවන විනිසුරු විසින් ද නම් කළේ.
දර්ශන පහතින් –
Out or not out? 🤷♂️ #EnglandCricket| #Ashes pic.twitter.com/q2XCJuUpxM
— England Cricket (@englandcricket) July 31, 2023
