එංගලන්ත – ඔස්ට්රේලියා 5 වැනි අළුබදුන ටෙස්ට් ක්රිකට් තරගයේ දෙවැනි දිනයේ දී දුවද්දී දැවී යාමේ ඉල්ලීමකට අදාළව ස්ටීවන් ස්මිත් නොදැවුණු ක්රීඩකයෙකු ලෙස තෙවන විනිසුරු ලබා දුන් තීන්දුව පිළිබද මාරිලිබෝන් ක්රිකට් සමාජය කරුණු පැහැදිලි කිරීමක් සිදු කර තිබෙනවා.
ඔස්ට්රේලියානු පළමු ඉනිමේ දී ලකුණු 43ක් ලබා සිටියදී යි ස්මිත් මෙම සිදු වීමට මුහුණ දුන්නේ.
එහිදී ජොනී බෙයාර්ස්ටව් විසින් කඩුල්ල බිද දමන අවස්ථාවේ දී ස්මිත් සීමා ඉර පසු කර නොතිබූ ආකාරයක් පළමුව දැක ගත හැකි වුණා.
නමුත් තෙවන විනිසුරු Nitin Menon විසින් දීර්ඝ ලෙස පුනරූපන නැරඹීමෙන් අනතුරුව තීරණය කළේ ඔහු නොදැවුණු පිතිකරුවෙකු ලෙසයි.
ක්රිකට් නීති භාරකරු ලෙස සැලකෙන එම්.සී.සී හෙවත් මාරිලිබෝන් ක්රිකට් සමාජය පෙන්වා දෙන්නේ කඩුල්ලක් බිදී යාම සිදු වන්නේ අවම වශයෙන් එක් බෙල්සයක් හෝ කඩුල්ලේ මුදුනින් සම්පූර්ණයෙන්ම ඉවත්ව ගියහොත් පමණක් බවයි.
ඒ අනුව මෙම සිද්ධියේ දී කිසිදු බෙල්සයක් සම්පූර්ණයෙන්ම (බෙල්සයේ දෙකළවරම කඩුල්ලෙන් ඉවත් වීම) කඩුල්ලෙන් ඉවත්ව නොතිබීම හේතුවෙනුයි ස්මිත් නොදැවුණු පිතිකරුවෙකු ලෙස නම් කර ඇත්තේ. (දර්ශන පහතින්)
දෙවැනි දිනය ඊයේ(28) නිමා වුණේ ඔස්ට්රේලියාව සියලු දෙනා දැවී ලකුණු 295 ක් ලබා සිටියදීයි. එංගලන්තයේ ලන්ඩන් නුවර ඕවල් ක්රීඩාංගනයේ පැවැත්වෙන තරගයේ කාසියේ වාසිය දිනූ ඔස්ට්රේලියාවේ ආරාධනයෙන් පළමුව පන්දුවට පහරදුන් එංගලන්තය සියලු දෙනා දැවී ලබා ගත් ලකුණු සංඛ්යාව 283 ක්. ඒ අනුව ඔස්ට්රේලියාව සිය පළමු ඉනිම නිමා වන විට ඉදිරියෙන් පසුවන ලකුණු සංඛ්යාව 12 ක්.
We have received a few questions regarding the decision in the below video.
Law 29.1 states: “The wicket is broken when at least one bail is completely removed from the top of the stumps, or one or more stumps is removed from the ground.” (1/2)#Ashes pic.twitter.com/RyZMgf5ItF
— Marylebone Cricket Club (@MCCOfficial) July 28, 2023
