එංගලන්ත කණ්ඩායමේ එළඹෙන ඉන්දීය ටෙස්ට් තරග සංචාරය එක්සත් අරාබි එමීර් රාජ්යයේ දී පැවැත්වීමට ඉඩ ඇති බවට තොරතුරු වාර්තා වනවා.
ඉන්දීය ක්රිකට් ආයතනය සහ එමිරේට්ස් ක්රිකට් ආයතනය අතර මේ වන විට ක්රිකට් සබදතා වැඩිදියුණු කිරීමේ අරමුණින් අවබෝධතා ගිවිසුමක් ද අත්සන් තබා ඇති බව සදහන්.
ඒ බව ඉන්දීය ක්රිකට් ආයතනයේ ලේකම් Jay Shah ට්විටර් පණිවිඩයක් නිකුත් කරමින් තහවුරු කළා.
මෙවර ඉන්දීය ප්රිමියර් ලීග් ක්රිකට් තරගාවලියේ සත්කාරකත්වය සදහා පමණක් මෙම ගිවිසුම අත්සන් තබා ඇති බවයි ක්රික්ඉන්ෆෝ වෙබ් අඩවිය වාර්තා කළේ.
කෙසේ වෙතත්, එංගලන්ත කණ්ඩායමේ ඉන්දීය ටෙස්ට් තරග සංචාරය මෙන්ම ලබන වසරේ අයි.පී.එල් තරගාවලිය ද එක්සත් අරාබි එමීර් රාජ්යයේ දී පැවැත්වීම සම්බන්ධයෙන් මේ වන විට ඉන්දීය ක්රිකට් ආයතනයේ අවධානය යොමුව ඇති බවයි වාර්තා වන්නේ.
ජනවාරි මාසයේ දී පැවැත්වීමට නියමිත ඉන්දු – එංගලන්ත ටෙස්ට් තරගාවලියට තරග 5ක් ඇතුළත්.
කොරෝනා වසංගතය හේතුවෙනුයි ඉන්දියාව සත්කාරකත්වය දැරිය යුතු තරග එරටදීම පැවැත්වීමේ දුෂ්කරතාවයකට ඉන්දීය ක්රිකට් ආයතනය මේ වන විට මුහුණ දී ඇත්තේ.
I along with Vice Chairman of Emirates Cricket Board, Mr Khalid Al Zarooni signed an MoU & Hosting agreement between @BCCI and @EmiratesCricket to boost the cricketing ties between our countries.
BCCI President, @SGanguly99 & Treasurer, @ThakurArunS were present on the occasion. pic.twitter.com/snYq2AUELZ
— Jay Shah (@JayShah) September 19, 2020
