රාජස්ථාන් රෝයල්ස් කණ්ඩායමේ ප්රහාරාත්මක පිතිකරු ජොස් බට්ලර්ට මෙවර ඉන්දීය ප්රිමියර් ලීග් ක්රිකට් තරගාවලිය යටතේ රාජස්ථාන් කණ්ඩායම ක්රීඩා කරන පළමු තරගය අහිමි වී තිබෙනවා.
ඒ, ඔහු මේ වන විට සිය පවුලේ සාමාජිකයින් සමග ඩුබායි නුවර නිරෝධායනයට ලක් වෙමින් සිටින බැවින්.
අයි.පී.එල් තරගාවලිය ආරම්භ වීමට පෙර ඔස්ට්රේලියා සහ එංගලන්ත ක්රීඩකයින් එංගලන්තයේ දී ජෛව ආරක්ෂිත පරිසරයක් තුළ සීමිත පන්දුවාර තරගාවලි ක්රීඩා කළා.
ඉන් අනතුරුව ඔවුන් එක්සත් අරාබි එමීර් රාජ්ය වෙත පැමිණීම හේතුවෙන් ඔවුන්ගේ නිරෝධායන කාලය පැය 36කට පමණක් සීමා කිරීමට ඉන්දීය ක්රිකට් ආයතනය කටයුතු කර තිබුණා.
කෙසේ වෙතත්, ජොස් බට්ලර් පෞද්ගලික හේතුවක් මත ඔස්ට්රේලියා තරගාවලිය සදහා ක්රීඩා කළේ නැහැ.
ඒ අනුව ඔහු සහ ඔහුගේ පවුලේ සාමාජිකයින් එක්සත් අරාබි එමීර් රාජ්යයට පැමිණීමෙන් අනතුරුව දින 6ක කාලයක් නිරෝධායනය සදහා යොමු කර ඇති බව සදහන්.
මෙවර තරගාවලිය යටතේ රාජස්ථාන් කණ්ඩායම සහභාගී වන පළමු තරගය එළඹෙන අගහරුවාදා (22) චෙන්නායි සුපර් කිංග්ස් කණ්ඩායමට එරෙහිව පැවැත්වීමට නියමිතයි.
