2023 ලෝක කුසලාන එක්දින ක්රිකට් තරගාවලියට සුදුසුකම් ලබා ගැනීමේ තරගාවලියේ 6 වැනි තරගයෙන් ඇමෙරිකා එක්සත් ජනපදය පරදා කඩුලු 6 ක ජයක් වාර්තා කිරීමට නේපාලය අද(20) සමත් වුණා.
හරාරේ හී දී පැවැති තරගය ජය ගැනීම සදහා ලකුණු 208 ක ඉලක්කයක් හඹා ගිය නේපාලය ඉනිමට නිමා වීමට පන්දු 42 ක් ඉතිරිව තිබියදී කඩුලු 4 ක් දැවී ජයග්රාහී ඉලක්කය පසු කළා.
Bhim Sharki නොදැවී ලකුණූ 77 ක් ලබා ගනිමින් සිය කණ්ඩායමට මෙවර තරගාවලියේ පළමු ජය හිමි කර දුන්නා.
Kushal Bhurtel හා Dipendra Singh Airee (නොදැවී) ලකුණු 39 බැගින් ලබා ගත්තා.
පළමුව පන්දුවට පහරදුන් ඇමෙරිකාව ලකුණු 207 ක් රැස් කළේ පන්දුවාර 49 කදී සියලු දෙනා දැවී යමින්. ඉනිමේ පළමු කඩුලු 4 ලකුණු 18 ක් තුළ දැවී ගියා.
කෙසේ වෙතත්, Shayan Jahangir පන්දු 79 කින් නොදැවී ලකුණු 100 ක් ලබා ගනිමින් සිය කණ්ඩායම ගෞරවනීය ලකුණු සංඛ්යාවක් කරා රැගෙන ගියා. හයේ පහර 3 ක් හා හතරේ පහර 10 ක් ඔහුගේ ඉනිමට ඇතුළත්.
Sushant Modani ලකුණු 42 යි. පන්දු යැවීමේ දී නේපාලය වෙනුවෙන් Karan KC ලකුණු 33 කට කඩුලු 4 ක් හා Gulsan Jha ලකුණු 52 කට කඩුලු 3 ක් බිද හෙලුවා.
