නවසීලන්ත තුන් ඉරියව් ක්රීඩක මයිකල් බ්රේස්වෙල්ට දීර්ඝ කාලයක් ක්රිකට් පිටියෙන් ඉවත් වීමට සිදුව තිබෙනවා.
ඒ, එංගලන්තයේ පැවැත්වෙන අන්තර් ප්රාන්ත 20යි 20 තරගාවලිය වන T20 Blast තරගාවලියේ දී ඔහු මුහුණ දුන් පාදයක ආබාධයක් හේතුවෙන්.
ආබාධය නිසා බ්රේස්වෙල්ට මාස හයත් අටත් අතර කාලයක් ක්රිකට් පිටියෙන් ඉවත් වීමට සිදු වන බවටයි මේ වන විට අනාවරණය වී ඇත්තේ.
ඔහු හෙට (15) දිනයේ දී එංගලන්තයේ දී ශල්යකර්මයකට ද මුහුණ දීමට නියමිතව සිටිනවා. අනතුරුව ඔහු දීර්ඝ කාලීන පුනරුත්තාපන ක්රියාවලියකට යටත් වනු ඇති.
ඒ හේතුවෙන් මයිකල් බ්රේස්වෙල්ට 2023 ලෝක කුසලාන එක්දින ක්රිකට් තරගාවලිය ද ක්රීඩා කිරීමට හැකි වන්නේ නැහැ.
මීට පෙර මෙවර අයි.පී.එල් තරගාවලියේ දී කේන් විලියම්සන් ද පාදයක ආබාධයකට ලක් වූ අතර, ඔහුට ද එළඹෙන ලෝක කුසලාන තරගාවලිය අහිමි වනු ඇති බවටයි විශ්වාස කෙරෙන්නේ.
32 හැවිරිදි මයිකල් බ්රේස්වෙල් පසුගිය වසරේ මාර්තු මාසයේ දී එක්දින ජාත්යන්තර වරම් දිනා ගත් අතර, මේ දක්වා එක්දින තරග 19 කට ක්රීඩා කර ඇති ඔහු එහිදී ලකුණු 510 ක් ලබා ගැනීමට සමත්ව තිබෙනවා. ඒ, 42.50 ක පිතිකරණ සාමාන්යයක් ද සටහන් කර ගනිමින්.
