එංගලන්ත දග පන්දු යවන ක්රීඩක ජැක් ලීච්ට ඔස්ට්රේලියාව සමග ආරම්භ වීමට නියමිත තරග 5කින් යුත් අළුබදුන ටෙස්ට් ක්රිකට් තරගාවලිය ක්රීඩා කිරීමේ අවස්ථාව අහිමි වී තිබෙනවා.
ඔහුගේ පිට කොන්ද ආශ්රිත ආබාධයක් හේතුවෙන් ලීච්ට මෙලෙස තරගාවලියෙන් ඉවත් වීමට සිදුව ඇති බවයි එංගලන්ත ක්රිකට් ආයතනය සදහන් කළේ.
අයර්ලන්තයට එරෙහිව නිමා වූ ටෙස්ට් තරගයේ දී ජැක් ලීච් මෙම ආබාධයට ගොදුරු වී තිබෙනවා.
ඒ අනුව ඔහු වෛද්ය පරීක්ෂණවලට යොමු කර තිබූ අතර, එහිදී අනාවරණය වී ඇත්තේ ජැක් ලීච්ට අළුබදුන තරගාවලියෙන්ම ඉවත් වීමට සිදුවන බවයි.
බෙන් ස්ටොක්ස් නායකත්වයට පත් වීමෙන් පසුව එංගලන්තය ක්රීඩා කළ ටෙස්ට් තරග 13 ම ජැක් ලීච් මේ දක්වා ක්රීඩා කර ඇති අතර, එහිදී කඩුලු 45 ක් දවා ගැනීමට ද ඔහු සමත් වුණා.
ජැක් ලීච් වෙනුවට ආදේශක ක්රීඩකයෙකු ඉදිරියේ දී එංගලන්ත සංචිතයට නම් කරනු ඇති.
අළුබදුන ටෙස්ට් තරගාවලිය එළඹෙන 16 වැනිදා බර්මිංහැම් හී දී ආරම්භ වීමට නියමිතයි.
