එංගලන්තයේ පැවැත්වෙන T20 Blast හෙවත් 20යි 20 අන්තර් ප්රාන්ත තරගාවලියේ දී ඩර්හැම් කණ්ඩායම සමග යළි එක් වීම සදහා ඔස්ට්රේලියානු පිතිකරු ඇෂ්ටන් ටර්නර් ගිවිසුම්ගත වී තිබෙනවා.
ඒ, එම කණ්ඩායම නියෝජනය කිරීමට නියමිතව සිටි දකුණු අප්රිකාවේ ට්රිස්ටන් ස්ටබ්ස් වෙනුවටයි.
දකුණු අප්රිකා A කණ්ඩායමේ ශ්රී ලංකා සංචාරය සදහා ට්රිස්ටන් ස්ටබ්ස් නම් කිරීම හේතුවෙන් මෙම ආදේශ කිරීම සිදු කර තිබෙනවා.
30 හැවිරිදි ටර්නර් 2022 තරග වාරයේ දී ඩර්හැම් කණ්ඩායමේ නායකයා ලෙස ද කටයුතු කළා.
ඔහු උරහිසක ආබාධයකට ද ලක්වීම හේතුවෙන් 2022 තරග වාරයට බාධා එල්ල වූ අතර, තරග 8කදී ලකුණු 124 ක් රැස් කිරීමට ඇෂ්ටන් ටර්නර් සමත් වුණා.
ඔස්ට්රේලියාවේ පැවැති Big Bash හා Marsh Cup යන තරගාවලි ද්විත්වයේදීම තමන් නායකත්වය දැරූ කණ්ඩායම් ශූරතාවය ජය ගැනීමට සමත් වූ පසුබිමකයි ඔහු මෙලෙස යළි එංගලන්තයට පැමිණෙන්නේ.
