මෙවර ඉන්දීය ප්රිමියර් ලීග් ක්රිකට් තරගාවලියේ 69 වැනි තරගයේ දී විශිෂ්ඨ උඩ පන්දුවක් රැක ගැනීමට සන්රයිසස් හයිදරාබාද් කණ්ඩායමේ නිටිෂ් කුමාර් අද(21) සමත් වුණා.
මුම්බායි හි වන්කඩේ ක්රීඩාංගනයේ පැවැති තරගයේ දී ඔවුන්ගේ ප්රතිවාදීන් වූයේ මුම්බායි ඉන්දියන්ස් කණ්ඩායමයි.
මෙම තරගයෙන් සන්රයිසස් හයිදරාබාද් කණ්ඩායම පරදා කඩුලු 8 ක විශිෂ්ඨ ජයක් වාර්තා කරමින් තරගාවලියේ අවසන් වටයට සුදුසුකම් ලබා ගැනීමේ සිය බලාපොරොත්තු තවදුරටත් රදවා ගැනීමට මුම්බායි ඉන්දියන්ස් කණ්ඩායම සමත් වුණා.
කාසියේ වාසිය දිනූ මුම්බායි පිලේ ආරාධනයෙන් පළමුව පන්දුවට පහරදුන් හයිදරාබාද් කණ්ඩායම නියමිත පන්දුවාර 20 අවසානයේ කඩුලු 5 ක් දැවී ලකුණු 200 ක් ලබා ගත්තා.
පිළිතුරු ඉනිම ක්රීඩා කළ මුම්බායි කණ්ඩායම පන්දුවාර 18 ක් අවසානයේ කඩුලු 2 ක් දැවී ජයග්රාහී ඉලක්කය පසු කළා.
රෝහිත් ෂර්මා සමග පිටියේ එක් වූ කැමරන් ග්රීන් දෙවැනි කඩුල්ල සදහා ලකුණු 128 (65) ක සම්බන්ධතාවයක් ගොඩ නැගූ අතර, නායක රෝහිත් පන්දු 37 කින් ලකුණු 56 ක් රැස් කළා.
ඔහුගේ කඩුල්ල දවා ගැනීම සදහායි නිටිෂ් කුමාර් සුපිරි උඩ පන්දුවක් රැක ගත්තේ.
දර්ශන පහතින් නරඹන්න – (දර්ශන මූලාශ්රය BCCI/IPLT20)
