ඉන්දීය ප්රිමියර් ලීග් ක්රිකට් තරගාවලි ඉතිහාසයේ පිතිකරුවෙකු වාර්තා කළ වේගවත්ම අර්ධ ශතකය වාර්තා කිරීමට රාජස්ථාන් රෝයල්ස් කණ්ඩායමේ ආරම්භක පිතිකරු යශස්වි ජයිස්වාල් සමත් වුණා.
ඒ, මෙවර තරගාවලිය යටතේ අද(11) රාත්රියේ කොල්කටා හී දී කොල්කටා නයිට් රයිඩර්ස් කණ්ඩායමට එරෙහිව ආරම්භ වූ තරගාවලියේ 56 වැනි තරගයේ දී යි.
තරගයේ කාසියේ වාසිය දිනූ රාජස්ථාන් පිල පළමුව පන්දු යැවීමට තීරණය කළ අතර, ඒ අනුව පළමුව පිතිකරණයේ නිරත වූ කොල්කටා කණ්ඩායම නියමිත පන්දුවාර 20 තුළ කඩුලු 8 ක් දැවී රැස් කළ ලකුණු සංඛ්යාව 149 ක්.
රාජස්ථාන් පිළිතුරු ඉනිම ආරම්භ කළ ජයිස්වාල් පන්දු 13 කින් සිය අර්ධ ශතකය වාර්තා කිරීමට සමත් වුණා. ඔහු අර්ධ ශතකය වාර්තා කරන අවස්ථාව වන විට හයේ පහර 3 කින් හා හතරේ පහර 6 කින් ජයිස්වාල්ගේ ඉනිම වර්ණවත් වී තිබුණා.
රාජස්ථාන් ඉනිමේ පළමු පන්දු දෙකට හයේ පහර දෙකක් එල්ල කළ ඔහු පළමු පන්දුවාරයේ දී ලකුණු 26 ක් රැස් කිරීම කැපී පෙනුණා.
මීට පෙර අයි.පී.එල් ඉතිහාසයේ වේගවත්ම අර්ධ ශතකය වාර්තා කර තිබුණේ පැට් කමින්ස් හා කේ එල් රාහුල් විසින්. ඔවුන් දෙදෙනාම පන්දු 14 කින් අර්ධ ශතකය වාර්තා කර තිබුණා.
ජයිස්වාල් සිය අර්ධ ශතකය වාර්තා කළ අයුරු පහතින් නරඹන්න (දර්ශන මූලාශ්රය – BCCI / IPLT20)
