ජපානය සමග පැවැති පළමු පන්දුවාර 20යි 20 ක්රිකට් තරගයෙන් කඩුලු 5 ක ජයක් වාර්තා කරමින් තරග 5 කින් යුත් තරගාවලිය තරග 1-0 ක් ලෙස පෙරමුණ ගැනීමට සංචාරක ශ්රී ලංකා නැගී එන කණ්ඩායම අද (10) සමත් වුණා.
Sano ජාත්යන්තර ක්රිකට් ක්රීඩාංගනයේ දී පැවැති තරගයේ පළමුව පන්දුවට පහරදුන් ජපානය නියමිත පන්දුවාර 20 අවසානයේ කඩුලු 6 ක් දැවී ලකුණු 97 ක් රැස් කළා.
K-Fleming K ලකුණු 21(15) ක් ද, Sakurano Thomas R. හා Thurgate M. ලකුණු 14 බැගින් ද ලබා ගත්තා.
පන්දු යැවීමේ දී ශ්රී ලංකා නැගී එන කණ්ඩායම වෙනුවෙන් නායක ඩෙලෝන් පීරිස් ලකුණු 21 කට කඩුලු 3 ක් බිද හෙලුවා.
පිළිතුරු ඉනිම ක්රීඩා කළ ශ්රී ලංකා නැගී එන කණ්ඩායම පන්දුවාර 15.3 ක් අවසානයේ කඩුලු 5 ක් දැවී ජයග්රාහී ඉලක්කය පසු කළා. ඒ, 5 වැනි කඩුල්ල ලකුණු 50 දී බිද වැටුණු පසුබිමකයි.
අනතුරුව නායක ඩෙලෝන් පීරිස් හා රන්මිත් ජයසේන නොබිදුණු සම්බන්ධතාවයක් ගොඩ නගමින් ශ්රී ලංකා නැගී එන කණ්ඩායම ජයග්රහනය කරා රැගෙන ගියා.
රන්මිත් නොදැවී ලකුණු 25 ක් ද, ඩෙලෝන් නොදැවී ලකුණු 17 ක් ද ලබා ගත්තා. දුනිත් ජයතුංග ලකුණු 18 යි. පන්දු යැවීමේ දී Ibrahim Takahashi ලකුණු 17 කට කඩුලු 3 ක් දවා ගත් අතර, දිනේෂ් සදරුවන් හා Makoto Taniyama කඩුල්ල බැගින් බිද හෙලුවා.
