සෞදි අරාබියේ පැවැත්වීමට සැලසුම් කරන බව කියන ලොව ධනවත්ම 20යි 20 ලීග් ක්රිකට් තරගාවලිය සදහා ක්රීඩා කිරීමට සිය ක්රීඩකයින් නිදහස් නොකරන බව ඉන්දීය ක්රිකට් පාලක මණ්ඩලය පවසනවා.
අදාළ තරගාවලියට ඉන්දීය ක්රීඩකයින් ද ක්රීඩා කරනු ඇති බවට පල වන මාධ්ය වාර්තාවලට ප්රතිචාර දක්වමිනුයි එරට ක්රිකට් පාලක මණ්ඩලයේ ප්රකාශකයෙකු ක්රික්බස් වෙබ් අඩවිය වෙත මේ බව සදහන් කර ඇත්තේ.
විදෙස් ලීග් ක්රිකට් තරගාවලි සදහා ඉන්දීය ක්රීඩකයින්ට ක්රීඩා කිරීමට අවසර ලබා නොදෙන අතර, මෙම නවතම ලීග් තරගාවලිය වෙනුවෙන් ද එම ප්රතිපත්තිය වෙනස් නොවන බව එම ප්රකාශකයා සදහන් කර තිබෙනවා.
සෞදි අරාබිය මේ වන විටත් අයි.පී.එල් කණ්ඩායම් සමග ද මෙම තරගාවලිය සම්බන්ධයෙන් සාකච්ඡා පවත්වා ඇති බව විදෙස් මාධ්ය වාර්තා සදහන් කර තිබුණා.
