දකුණු අප්රිකා දග පන්දු යවන ක්රීඩක කේෂාව් මහරාජ් කඩුලු සැමරුමක් අතරතුර දී ආබාධයකට ලක් තිබෙනවා.
බටහිර ඉන්දීය කොදෙව් කණ්ඩායමට එරෙහිව ඊයේ (11) නිමා වූ දෙවැනි ටෙස්ට් ක්රිකට් තරගයේ කොදෙව් දෙවැනි ඉනිම අතරවාරයේ දී යි ඔහු මෙම ආබාධයට මුහුණ දුන්නේ.
කොදෙව් ඉනිමේ 6 වැනි කඩුල්ල ලකුණු 34 දී බිද වැටුණේ ක්යල් මේයර්ස් ලකුණු 7 කට දැවී යාමත් සමගයි. එම කඩුල්ල මහරාජ් විසින් දවා ගත්තේ කඩුල්ල මුවා කිරීමේ වරදට පිතිකරු හසු කරවා ගනිමින්.
කෙසේ වෙතත්, පිටියේ විනිසුරු විසින් මේයර්ස් දැවී ගිය අයෙකු ලෙස නම් නොකළ අතර, විනිසුරු තීරණ නැවත විමසීමේ ක්රමවේදය ඔස්සේයි එම කඩුල්ල හිමි කර ගැනීමට දකුණු අප්රිකාව සමත් වුණේ.
මේයර්ස් දැවී ගිය පිතිකරුවෙකු බව දැනගත් විගස කඩුල්ල සැමරීමට මහරාජ් ගත් උත්සාහයේ දී ඔහුගේ පාදයක මෙම ආබාධය සිදු වුණා.
ආබාධය හේතුවෙන් ඔහුව පිටියෙන් ඉවතට රැගෙන යාමට සිදු වූයේ ද ආධාරක රථයක් මාර්ගයෙන්.
ඔහු වෛද්ය පරීක්ෂණ සදහා ද යොමු කෙරුණු අතර, මාස හයක පමණ කාලයක් ඔහුට ක්රිකට් පිටියෙන් ඉවත්ව සිටීමට සිදු වනු ඇති බවටයි විදෙස් ක්රීඩා මාධ්ය වාර්තා කර ඇත්තේ.
ඒ අනුව කේශාව් මහරාජ්ට ඉන්දියාවේ දී ලබන ඔක්තෝම්බර් මාසයේ දී ආරම්භ වීමට නියමිත එක්දින ලෝක කුසලාන ක්රිකට් තරගාවලිය ද අහිමි වනු ඇති.
After many years at this injury video caper I’m still seeing firsts – the first cricketer suffer an achilles rupture (suspected) celebrating a wicket that was under review. Poor Maharaj pic.twitter.com/AcNTlXaZ6q
— NRL PHYSIO (@nrlphysio) March 11, 2023
