නවසීලන්තය හා එංගලන්තය අතර Mount Maunganui හී දී අද ආරම්භ වූ දිවා රාත්රී ටෙස්ට් තරගයේ දී නෙයිල් වෑග්නර් විසින් දවා ගත් කඩුල්ලක්, එම පන්දුව නිපන්දුවක් වීම හේතුවෙන් අහිමි වී යාම ලොව පුරා බොහෝ දෙනෙකුගේ අවධානය දිනා ගැනීමට සමත්ව තිබෙනවා.
තරගයේ කාසියේ වාසිය දිනූ නවසීලන්තයේ ආරාධනයෙන් පළමුව පන්දුවට පහර දීමට පිටියට පිවිසි එංගලන්ත ඉනිමේ දෙවැනි පන්දුවාරයේ දී යි මෙම නිපන්දුව ඔහු විසින් යොමු කළේ.
එය මෙම තරගයේ දී වෑග්නර් යොමු කළ පළමු පන්දුව වූ අතර, එම පන්දුව පිතිකරුවා තුළට දෝලනය කරමින් කෙළින්ම කඩුල්ලේ වැදීමට සැලැස්වීමට ඔහු සමත් වුණා.
එම පන්දුවට මුහුණ දුන්නේ එංගලන්ත ආරම්භක පිතිකරු සැක් ක්රව්ලි.
කෙසේ වෙතත්, එම කඩුල්ල දවා ගැනීමෙන් පසුව තෙවන විනිසුරු විසින් එය නිපන්දුවක් ලෙස ප්රකාශ කිරීමත් සමග සැක් ක්රව්ලි තවදුරටත් පිටියේ රැදී සිටීමට වාසනාවන්ත වුණා.
කෙසේ වෙතත්, ඔහුට මෙම ඉනිමේ දී රැස් කිරීමට හැකි වූයේ ලකුණු 4 ක් පමණයි.
Crawley’s luck continues 🍀
Neil Wagner with an absolute beauty of a ball… but he overstepped 😬
It is all happening in NZ 🇳🇿#NZvENG pic.twitter.com/6RBZLMse23
— Cricket on BT Sport (@btsportcricket) February 16, 2023
