දකුණු අප්රිකාවේ මේ දිනවල පැවැත්වෙන කාන්තා පන්දුවාර 20යි 20 ලෝක කුසලාන ක්රිකට් තරගාවලිය අතරතුර දී බංග්ලාදේශ ක්රීඩිකාවකට තවත් ක්රීඩිකාවකගෙන් තරග පාවාදීම (spot-fixing) සදහා යෝජනාවක් ලැබී ඇති බව බංග්ලාදේශ මාධ්ය ආයතනයක් වාර්තා කර තිබෙනවා.
ඩකාහි Jamuna TV නම් රූපවාහිනී නාලිකාව විසින් අදාළ ක්රීඩිකාවන් දෙදෙනා අතර සිදු වන සංවාදයක හඩපට ද ප්රචාරය කිරීමටයි පියවර ගෙන ඇත්තේ.
තරග පාවාදීමට යෝජනාව සිදු කර ඇති ක්රීඩිකාව මේ වන විට බංග්ලාදේශයේ රැදී සිටින බව සදහන්.
ඇය ද මෙම ක්රියාවලියේ අතරමැදියෙකු ලෙස කටයුතු කරන බවයි මාධ්ය වාර්තා පෙන්වා දෙන්නේ.
කෙසේ වෙතත්, තරග පාවාදීම සදහා සිදු කෙරුණු යෝජනාව දකුණු අප්රිකාවේ මේ වන විට බංග්ලාදේශ කණ්ඩායම සමග රැදී සිටින ක්රීඩිකාව විසින් ප්රතික්ෂේප කර තිබෙනවා.
මෙම සිද්ධිය සම්බන්ධයෙන් ජගත් ක්රිකට් කවුන්සලයේ දූෂන මර්දන ඒකකය වෙත දැනුම් දුන් බවයි බංග්ලාදේශ ක්රිකට් ආයතනය සදහන් කළේ.
මෙලෙස තරග පාවාදීම සදහා යෝජනාවක් සිදු කර ඇත්තේ Shohely Akhter ක්රීඩිකාව විසින් Lata Mondal ක්රීඩිකාව වෙත බව සදහන්.
කෙසේ වෙතත්, එල්ල වන චෝදනා Shohely Akhter විසින් ප්රතික්ෂේප කර තිබෙනවා.
